മുഖ്യമന്ത്രി സ്ഥാനം കൈയെത്തും ദൂരത്ത്‌, അടുത്ത തിരഞ്ഞെടുപ്പില്‍ സുധീരന് നമ്മെ നയിക്കും
കോണ്‍ഗ്രസിലെ എ, ഐ ഗ്രൂപ്പുകള്‍ കെ.പി.സി.സി. പ്രസിഡന്റ്‌ വി.എം. സുധീരനെ തിരഞ്ഞെടുത്തതോടെ അദ്ദേഹം സഹായത്തിന്‌ ഹൈകമാന്റിന്‌ മുമ്പിലെത്തി. വി.എം. സുധീരന്റെ പ്രവര്‍ത്തനങ്ങള്‍ അനുമോദിച്ചുകൊണ്ട്‌ രാഹുല്‍ ഗാന്ധി നടത്തിയ പ്രസ്‌താവന സുധീരന്റെ അഭ്യര്‍ത്ഥന മാനിച്ചാണ്‌. സര്‍ക്കാരിനും സുധീരനും മദ്യവിരുദ്ധ നടപടികളുടെ പേരില്‍ രാഹുല്‍ ഗാന്ധി അനുമോദന സന്ദേശം അയച്ചു. അതേ സമയം കേരളത്തിലെ കേണ്‍ഗ്രസില്‍ സ്ഥിതി ഗതികള്‍ ഗുരുതരമാണെന്നും തനിക്കെതിരെ ഗ്രൂപ്പുകള്‍ ചേരിതിരിഞ്ഞ്‌ ആക്രമണം നടത്തുകയാണെന്നും സുധീരന് രഹസ്യ സന്ദേശങ്ങളിലൂടെ രാഹുല്‍ ഗാന്ധിയെ അറിയിച്ചു. ഒന്നുകൊണ്ടും ഭയക്കേണ്ടതില്ലെന്ന സന്ദേശമാണ്‌ രാഹുലില്‍ നിന്നും സുധീരന് ലഭിച്ചത്‌.
താന്‍ ചീപ്‌ പബ്ലിസിറ്റിക്ക്‌ ശ്രമിച്ചു എന്ന ആക്ഷേപമാണ്‌ ഉമ്മന്‍ ചാണ്ടിയും രമേശും തനിക്കെതിരെ അഴിച്ചു വിട്ടിരിക്കുന്നതെന്നും ഹസന്‍ തനിക്കെതിരെ പത്രസമ്മേളനം നടത്തിയെന്നും സുധീരന് രേഖാമൂലം കേന്ദ്രനേതാക്കളെ അറിയിച്ചു.
ഹസനാണ്‌ സുധീരനെ ഏറെ പ്രകോപിപ്പിച്ചത്‌. സുധീരന് പ്രതിപക്ഷ നേതാവിനെ പോലെ പെരുമാറുന്നു എന്ന ആക്ഷേപമാണ്‌ ഹസന്‍ ഉന്നയിച്ചത്‌. സംഗതി സത്യമാണെങ്കിലും അത്‌ തുറന്നുപറയണമോ എന്നാണ്‌ കോണ്‍ഗ്രസുകാരുടെ ചോദ്യം.
സുധീരന് സര്‍ക്കാരിനെ വിമര്‍ശിക്കുന്നതുപോലെ പിണറായി പോലും വിമര്‍ശിക്കുന്നില്ലെന്നും എ.ഐഗ്രൂപ്പുകള്‍ക്ക്‌ ആക്ഷേപമുണ്ട്‌. സുധീരന് എന്തും പറയുന്നു. ബാര്‍ മുതലാളിമാരുടെ ആളായി മുഖ്യമന്ത്രിയെ ചിത്രീകരിക്കുന്നു. മന്ത്രി കെ.ബാബുവിനെ പരിഹസിക്കുന്നു. എന്നാല്‍ തന്‍േത്‌ വെറും പരിഹാസം മാത്രമായിരുന്നെങ്കില്‍ എന്തിന്‌ ഉമ്മന്‍ചാണ്ടി മദ്യനിരധനത്തിന്‌ മുന്‍കൈയെടുത്തു എന്നാണ്‌ സുധീരന്റെ മറുചോദ്യം.
സുധീരന് മുഖ്യമന്തി പദം ലക്ഷ്യമിട്ട്‌ നീങ്ങുകയാണെന്ന വാര്‍ത്തയും കേള്‍ക്കുന്നുണ്ട്‌. 18 മാസങ്ങള്‍ക്കുശേഷം നടക്കുന്ന തിരഞ്ഞെടുപ്പില്‍ കേരളത്തില്‍ കോണ്‍ഗ്രസിനെ നയിക്കുന്നത്‌ സുധീരനായിരിക്കും. ഉമ്മന്‍ചാണ്ടി പാര്‍ട്ടിയെ നയിക്കും. സുധീരന്റെ ഇമേജിന്‌ മുമ്പില്‍ സി.പി.എം നിഷ്‌പ്രഭമാകും എന്ന ധാരണ കോണ്‍ഗ്രസിന്റെ അഖിലേന്ത്യ നേതൃത്വത്തിനുണ്ട്‌. വി.എസ്‌ അച്ചുതാനന്ദന്‌ സി.പി.എമ്മിലുള്ള ഇമേജാണ്‌ കോണ്‍ഗ്രസില്‍ സുധീരനുള്ളത്‌. ഉമ്മന്‍ ചാണ്ടിക്കുള്ള ജന പിന്തുണ കേന്ദ്രനേതൃത്വം തള്ളികളയുന്നില്ല. എന്നാല്‍ സുധീരനുള്ള ക്ലീന്‍ ഇമേജ്‌ ഉമ്മന്‍ ചാണ്ടിക്കില്ലെന്നാണ്‌ ഹൈക്കമാന്റിന്റെ കണക്കുകൂട്ടല്‍.
സുധീരന്റെ പ്രവര്‍ത്തനം കൂടുതല്‍ ശക്തമാകും. ശക്തനായ സുധീരനെ പ്രതിരോധിക്കാനാണ്‌ മറുതന്ത്രത്തിലൂടെ ഉമ്മന്‍ ചാണ്ടി ശ്രമിച്ചത്‌. എന്നാല്‍ ചാണ്ടിയുടെ മദ്യവിരുദ്ധ പ്രസംഗത്തില്‍ ആത്മാര്‍ത്ഥതയില്ലെന്നാണ്‌ ജനങ്ങള്‍ കരുതുന്നത്‌. മദ്യഉപയോഗം കുറയ്‌ക്കാനുള്ള തീരുമാനം മുഖ്യന്റെ തന്ത്രമായിരുന്നെന്നും ജനത്തിന്‌ മനസ്സിലായി. സുധീരനെ മുന്നില്‍ നിര്‍ത്തിയാല്‍ ന്യൂനപക്ഷസര്‍ക്കാര്‍ എന്ന ഇമേജ്‌ ഇല്ലാതാക്കാമെന്നും ഹൈകമാന്റ്‌ കരുതുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
