600 ലിറ്റര്‍ സ്‌പിരിറ്റ്‌ പനമരത്ത് വച്ച് പൊലീസ്  പിടികൂടി. ടാറ്റാ സുമോയിലാണ്‌ സ്‌പിരിറ്റ്‌ കടത്താന്‍ ശ്രമിച്ചത്‌.
തിരുവനന്തപുരം രജിസ്‌ട്രേഷനിലുള്ള വാഹനമായിരുന്നു അത്‌. വണ്ടിയിലുണ്ടായിരുന്ന രണ്ടുപേര്‍ രക്ഷപ്പെട്ടു.
ഇന്നലെ രാവിലെ 7.15 ഓടെയായിരുന്നു സംഭവം.  35 ലിറ്ററിന്റെ 18 ക്യാനുകളിലായാണ് സ്പിരിറ്റ് വാഹനത്തില്‍ സൂക്ഷിച്ചിരുന്നത്. വാഹനത്തിന്റെ പിന്‍ സീറ്റ് എടുത്തുമാറ്റിയശേഷം പ്ലാറ്റ്‌ഫോമില്‍ അടുക്കിവെച്ച ക്യാനുകള്‍ക്കു മുകളില്‍ തുണി വിരിച്ചായിരുന്നു സ്പിരിറ്റ് കടത്ത്.  പൊലീസിനെ കണ്ട് ഈ വാഹനത്തിലുണ്ടായിരുന്നവര്‍ പുറകേവന്ന സ്വിഫ്റ്റ്‌ കാറില്‍ കയറി രക്ഷപ്പെടുകയായിരുന്നു.

ഈ കാറിനെ പൊലീസ് പിന്‍തുടര്‍ന്നെങ്കിലും പിടികൂടാനായില്ല. സ്‌പിരിറ്റ് കര്‍ണാടകയില്‍ നിന്ന് കടത്തിക്കൊ ണ്ടുവന്നതാകാമെന്ന് പൊലീസ് പറയുന്നു. വയനാട് സയന്റിഫിക്ക് വകുപ്പും, വിരലടയാള വിദഗ്ധരും വാഹനത്തില്‍ പരിശോധന നടത്തിയ ശേഷം പൊലീസിന്റെ ക്രെയിന്‍ ഉപയോഗിച്ച് വണ്ടി പനമരം പൊലീസ് സ്‌റ്റേഷനിലെത്തിച്ചു. 

മീനങ്ങാടി സി.ഐ ടി. എന്‍.സജീവന്റെ നേതൃത്വത്തിലുള്ള സംഘമാണ് സ്പിരിറ്റ് പിടികൂടിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha