മരിച്ചെന്നു കരുതിയിരിക്കെ തങ്ങളുടെ പൊന്നോമനയില്‍ ജീവന്റെ തുടിപ്പുകള്‍ കണ്ടതോടെ ആ മാതാപിതാക്കളുടെ സന്തോഷത്തിന്‌ അതിരില്ലായിരുന്നു. എന്നാല്‍ ആ സന്തോഷത്തിന്‌ അല്‍പായുസ്‌ മാത്രമായിരുന്നു. മഞ്ചേശ്വരത്തിനടുത്തെ തൊക്കോട്ടെ കുംപലയിലെ പുഷ്‌പരാജ്‌, ഗൗരി ദമ്പതികളുടെ ഒമ്പതു ദിവസം പ്രായമുള്ള ആണ്‍കുഞ്ഞാണ്‌ പ്രതീക്ഷകള്‍ നല്‍കിയശേഷം വീണ്ടും ചലനമറ്റത്‌. ഏഴുമാസം ഗര്‍ഭിണിയായിരിക്കെ ഈ മാസം 19 ന്‌ ഗൗരി ദേര്‍ളക്കട്ടയിലെ സ്വകാര്യാശുപത്രിയില്‍ ആശുപത്രിയില്‍ കുഞ്ഞിനു ജന്മം നല്‍കിയത്‌. എന്നാല്‍ മാസം തികയാതെയുള്ള പ്രവസമായതിനാല്‍ കുഞ്ഞിന്‌ ആരോഗ്യ പ്രശ്‌നമുണ്ടാകുകയും ഇന്‍ക്യുബേറ്ററിലാക്കുകയും ചെയ്‌തിരുന്നു. ഇതിനിടയിലാണ്‌ ശനിയാഴ്‌ച കുഞ്ഞ്‌ മരിച്ചതായി ഡോക്ടര്‍ വിധിയെഴുതിയത്‌.
തുടര്‍ന്നു കുഞ്ഞിനെ വീട്ടിലെത്തി സംസ്‌കരിക്കാനുള്ള ചടങ്ങ്‌ നടക്കുന്നതിനിടയിലാണ്‌ എല്ലാവരേയും അതിശയിപ്പിച്ച്‌ കുഞ്ഞില്‍ ജീവന്റെ തുടിപ്പുണ്ടായത്‌.

ദഹിപ്പിക്കുന്നതിനു മുമ്പ്‌ ആചാരപ്രകാരം കുഞ്ഞിന്‌ നീരു കൊടുക്കുന്ന ചടങ്ങുണ്ടായിരുന്നു. തൊട്ടടുത്ത കടയില്‍ നിന്ന്‌ പാലു വാങ്ങിയാണ്‌ കൊടുത്തത്‌. ചുണ്ടില്‍ പാലിറ്റിച്ച സമയത്ത്‌ കുഞ്ഞ്‌ ചുണ്ടനക്കി. ചലനം കണ്ടതോടെ ഉടന്‍ വാഹനത്തില്‍ മംഗലാപുരത്തെ സ്വകാര്യ ആശുപത്രിയിലെത്തിച്ചു. എന്നാല്‍ ഞായറാഴ്‌ച വൈകുന്നേരത്തോടെ കുഞ്ഞിന്റെ മരണം സ്ഥിരീകരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha