ഇറാക്കിലും സിറിയയിലും ഭീകര പ്രവര്‍ത്തനങ്ങളില്‍ ഏര്‍പ്പെടുന്ന ഐഎസ്‌ഐഎസ്‌ ഭീകര സംഘടന കേരളത്തില്‍ നിന്നും റിക്രൂട്ട്‌ നടത്തുന്നതായി സുരക്ഷാ ഏജന്‍സികള്‍ക്ക്‌ സംശയം. ഇന്ത്യയിലും അവരുടെ ശൃംഗല വ്യാപിപ്പിക്കുന്നതിന്റെ ഭാഗമായാണ്‌ ഐഎസ്‌ഐഎസിന്റെ ഈ നടപടി.
നിരോധിത സംഘടനായ ഇന്ത്യന്‍ മുജാഹിദ്ദീനാണ്‌ ഐഎസ്‌ഐഎസിനു വേണ്ടി റിക്രൂട്ട്‌ നടത്തുന്നത്‌. ദേശിയ അന്വേഷണ ഏജന്‍സിയായ എന്‍ഐഎ തിരയുന്ന ഇന്ത്യന്‍ മുജാഹിദ്ദീന്‍ നേതാവാണ്‌ റിക്രൂട്ട്‌മെന്റിന്‌ നേതൃത്വം നല്‍കുന്നതെന്നും സുരക്ഷാ ഏജന്‍സികള്‍ വെളിപ്പെടുത്തി.
ഇന്ത്യയില്‍ നിന്നും ഇതുവരെ നൂറോളം യുവാക്കള്‍ ഇറാക്കില്‍ ആക്രമണത്തില്‍ ഏര്‍പ്പെട്ടിട്ടുണ്ടെന്നാണ്‌ കണക്കാക്കപ്പെടുന്നത്‌. ദരിദ്രരായ മുസ്ലീങ്ങളെയാണ്‌ ഇന്ത്യന്‍ മുജാഹിദ്ദീന്‍ ലക്ഷ്യമിടുന്നത്‌.
കേരളത്തിന്‌ പുറമേ തമിഴ്‌നാട്‌, കര്‍ണാടക, മഹാരാഷ്‌ട്ര, ജമ്മുകാശ്‌മീര്‍ എന്നീ സംസ്ഥാനങ്ങളില്‍ നിന്നും റിക്രൂട്ട്‌ ചെയ്യുന്നുണ്ട്‌. ഓണ്‍ ലൈന്‍ വീഡിയോകളിലൂടെ സാധാരണ മുസ്ലീം യുവാക്കളെ ആകര്‍ഷിച്ചാണ്‌ ഇവര്‍ ഭീകര പ്രവര്‍ത്തനങ്ങള്‍ക്ക്‌ റിക്രൂട്ട്‌ ചെയ്യുന്നത്‌.
ഇറാക്കിലേയും സിറിയയിലേയും ആക്രമണങ്ങള്‍ അവസാനിച്ചാല്‍ ഇവരെ ഇന്ത്യക്ക്‌ നേരെ തിരിച്ചുവിടുമെന്നാണ്‌ സുരക്ഷാ ഏജന്‍സികള്‍ വിലയിരുത്തുന്നത്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha