ബ്ലാക്ക് ആന്റ് വൈറ്റ് കാലഘട്ടം മുതല്‍ നമ്മുടെ വീടുകളില്‍ സജീവ സാന്നിധ്യമായിരുന്ന ദൂരദർശനെ പറ്റി കഴിഞ്ഞ രണ്ടു ദിവസമായി പത്രവാര്‍ത്തകളിലും സമൂഹമാധ്യമങ്ങളിലും നൊസ്റ്റാള്‍ജിയ കലര്‍ത്തി ദൂരദര്‍ശൻ കാലം അവസാനിക്കുന്നു എന്നമട്ടിൽ പ്രചരിക്കുന്ന വാര്‍ത്തയെകുറിച്ചുള്ള സത്യാവസ്ഥ എന്തെന്ന് അറിയേണ്ടേ?
ദൂരദർശൻ ഭൂതല സംപ്രേഷണം നിർത്തലാക്കി എന്നതിന് അനലോഗില്‍ നിന്ന് പൂര്‍ണമായും ഡിജിറ്റല്‍ ആകുന്നു എന്നേ അര്‍ഥമുള്ളു. പ്രേക്ഷകര്‍ കേബിള്‍ നെറ്റ്‌വര്‍ക്കുകളെയും ഡിഷ് ഡി ടി എച്ച് സര്‍വീസുകളെയും ആശ്രയിച്ചു തുടങ്ങിയതോടെയാണ് ആന്റിന ഉപയോഗിച്ച് ഹൈപവര്‍, ലോപവര്‍ ട്രാന്‍സ്മിറ്ററില്‍ കൂടിയുള്ള പ്രക്ഷേപണം അവസാനിപ്പിക്കാന്‍ ദൂരദര്‍ശന്‍ തീരുമാനിക്കുന്നത്
ദൂരദർശൻ മാത്രമുണ്ടായിരുന്ന കാലത്ത് അതിലെ ഓരോ പരിപാടിയും സമയക്രമവും എല്ലാവർക്കും മന പാഠമായിരുന്നു. ദൂരദർശനിലെ വാർത്താ വായനക്കാരെയും അവതാരകരെയും കേരളം സ്വന്തം കുടുംബാംഗങ്ങളായി നെഞ്ചിലേറ്റുവാങ്ങിയിരുന്നു ..ആ ഇഷ്ടം തന്നെ ആണ് ഇപ്പോൾ ദൂരദർശൻ അടച്ചുപൂട്ടുന്നു എന്ന മട്ടിലുള്ള പ്രചാരണങ്ങൾക്കും ഈ അങ്കലാപ്പിലേക്കും വഴിവെച്ചത്.
നൊസ്റ്റാള്‍ജിയ നല്ലതാണെങ്കിലും അവാസ്തവം പ്രചരിക്കരുതല്ലോ..