സീറോ മലബാര് സഭയുടെ ഭൂമിയിടപാട് സംബന്ധിച്ച പരാതിയില് കേസെടുക്കാനുള്ള സിംഗിള്ബെഞ്ച് ഉത്തരവിനെതിരെ കര്ദിനാള് ജോര്ജ് ആലഞ്ചേരി സമര്പ്പിച്ച ഹര്ജി ഹൈക്കോടതി ഇന്ന് പരിഗണിക്കും
സീറോ മലബാര് സഭയുടെ ഭൂമിയിടപാട് സംബന്ധിച്ച പരാതിയില് കേസെടുക്കാനുള്ള സിംഗിള്ബെഞ്ച് ഉത്തരവിനെതിരെ കര്ദിനാള് ജോര്ജ് ആലഞ്ചേരി സമര്പിച്ച ഹര്ജി ഹൈകോടതി ഇന്ന് പരിഗണിക്കും. ചീഫ് ജസ്റ്റിസ് ആന്റണി ഡൊമനിക് അധ്യക്ഷനായ ബഞ്ചാണ് ഹര്ജി പരിഗണിക്കുക. ഫാ. സെബാസ്റ്റ്യന് വടക്കുമ്പാടം നല്കിയി ഹരജിയും കര്ദ്ദനാളിന്റെ ഹര്ജിക്കൊപ്പം പരിഗണിക്കും.
കേട്ടു കേള്വിയുടെ അടിസ്ഥാനത്തില് നല്കിയ പരാതിയില് കേസ് എടുക്കാനുള്ള സിംഗിള്ബെഞ്ചിന്റെ വിധി നിയമപരമായി നില നില്ക്കില്ലെന്ന് ചൂണ്ടിക്കാട്ടിയാണ് അപ്പീല് നല്കിയിട്ടുള്ളത്. ഭൂമി ഇടപാടിലെ തട്ടിപ്പ് സംബന്ധിച്ച് താന് നല്കിയ പരാതിയില് എറണാകുളം സെന്ട്രല് പൊലീസ് കേസെടുത്തില്ലെന്നാരോപിച്ച് ചേര്ത്തല സ്വദേശി ഷൈന് വര്ഗീസ് സമര്പ്പിച്ച ഹരജിയിലാണ് മാര്ച്ച് ആറിന് സിംഗിള്ബെഞ്ചിന്റെ വിധിയുണ്ടായത്.
കര്ദിനാളടക്കമുള്ളവര്ക്കെതിരെ കേസെടുക്കാന് സിംഗിള്ബെഞ്ച് പൊലീസിനോടു നിര്ദേശിക്കുകയായിരുന്നു. എന്നാല്, എറണാകുളം അങ്കമാലി അതിരൂപതയിലെ ഭൂമിയുടെ വില്പന സംബന്ധിച്ച വിവരങ്ങള് പരാതിക്കാരന് വ്യക്തിപരമായി നേരിട്ടറിയില്ലെന്ന് അപ്പീല് ഹര്ജിയില് പറയുന്നു.
https://www.facebook.com/Malayalivartha
