അട്ടപ്പാടിയിൽ വീണ്ടും ശിശുമരണം നടന്നതായി റിപ്പോർട്ടുകൾ. ഷോളയൂർ ചാവടിയൂരിലെ പൊന്നി-പെരുമാൾ ദമ്പതിമാരുടെ ഒമ്പതു ദിവസം പ്രായമായ കുഞ്ഞാണ്​ മരിച്ചത്​.

എന്നാൽ പോഷകാഹാരക്കുറവല്ല മരണകാരണമെന്നു​ ആരോഗ്യ വകുപ്പ്​ അധികൃതർ അറിയിച്ചു. മാർച്ച്​ 23 ന്​ കോട്ടത്തറയിലെ ആശുപത്രിയിൽ ജനിച്ച കുഞ്ഞിന്​ ജനനസമയത്ത്​ 2.200 കിലോ തൂക്കം മാത്രമാണ് ഉണ്ടായിരുന്നത്. ​അതിനാൽ കുട്ടിയെ കുറച്ചു ദിവസങ്ങൾക്ക്​ ശേഷമാണ് വീട്ടിലേക്ക്​ കൊണ്ടുപോയത്. എന്നാൽ കുഞ്ഞ് വീട്ടിൽ വച്ചു​​ മരണപ്പെടുകയായിരുന്നു.

അതേസമയം മരണത്തിനുള്ള യഥാർത്ഥ കാരണം വ്യകതമല്ലെന്നും മുലപ്പാൽ കൊണ്ടയിൽ കുടുങ്ങിയിട്ടാണോ കുഞ്ഞു മരിച്ചതെന്നും പോസ്​റ്റ്​ മോർട്ടം നടത്തിയാൽ മാത്രമേ കൃത്യമായ കാരണം വ്യക്​തമാകുവെന്നും ആരോഗ്യ വകുപ്പ്​ അധികൃതർ അറിയിച്ചു.