ഇൻഫാം ദേശീയ നേതൃസമ്മേളനവും കർഷക റാലിയും ഇന്ന് കാഞ്ഞിരപ്പള്ളിയിൽ നടക്കും. കൂവപ്പള്ളി സെന്റ്.ജോസഫ് പള്ളിയിൽ അന്ത്യവിശ്രമം കൊള്ളുന്ന ഇൻഫാം സ്ഥാപക ചേയർമാൻ ഫാ. മാത്യു വടക്കേ മുറിയുടെ കല്ലറയിൽ ഉച്ചക്ക് 1.30 ന് കാഞ്ഞിരപ്പള്ളി രൂപതാ സഹായ മെത്രാൻ മാർ.ജോസ് പുളിക്കൽ നടത്തുന്ന പ്രാർത്ഥന ശുശ്രുഷക്കും തിരുകർമ്മങ്ങൾക്കും ശേഷം, ദേശിയ സമ്മേളന ദീപശിഖ പ്രയാണത്തിന് തുടക്കമാകും.

കർഷക റാലി പേട്ട കവലയിൽ ദീപശിഖാ പ്രയാണത്തോട് ചേരും, മഹാ ജൂബിലി ഹാളിൽ റാലി എത്തിച്ചേരുമ്പോൾ, സമ്മേളനം ആരംഭിക്കും. ദേശിയ രക്ഷാധികാരി ബിഷപ്പ് മാർ മാത്യു അറക്കൽ ഉദ്ഘാടനം ചെയ്യും, ഇൻഫാം ദേശിയ ചെയർമാൻ ഫാ..ജോസഫ് ഒറ്റപ്പാക്കൽ അധ്യക്ഷത വഹിക്കും, മാർ.ജോസ് പുളിക്കൽ പ്രഭാക്ഷണവും, ഇൻഫാം കാഞ്ഞിരപ്പള്ളി രൂപതാ ഡയറക്ടർ ഫാ.തോമസ് മറ്റമുണ്ടയിൽ ആമുഖ പ്രഭാക്ഷണവും നടത്തും, ദേശിയ സെക്രട്ടറി ജനറൽ അഡ്വ.വി.സി. സെബാസ്റ്റിൻ കർഷക അവകാശ രേഖയും ബദൽ കാർഷിക നയവും പ്രഖ്യാപിക്കും. സമ്മേളനത്തിൽ ഇൻഫാം ആഗ്രേം ഇന്നവേഷൻ പുരസ്കാരങ്ങൾ വിതരണം ചെയ്യും.