മിന്നല് പണിമുടക്കുകള്ക്കെതിരെ സംസ്ഥാന സര്ക്കാര് രംഗത്ത്
മിന്നല് പണിമുടക്കുകള്ക്കെതിരെ സംസ്ഥാന സര്ക്കാര് രംഗത്ത് . മിന്നല് പണിമുടക്കുകള് ഒരു കാരണവശാലും അംഗീകരിക്കില്ലെന്നും അവയ്ക്കെതിരേ നടപടി സ്വീകരിക്കുമെന്നും മന്ത്രിസഭാ യോഗം അംഗീകരിച്ച പുതിയ തൊഴില് നയത്തില് വ്യക്തമാക്കുന്നു. ചെയ്യാത്ത ജോലിക്കു കൂലി വാങ്ങുന്ന പ്രവണത അവസാനിപ്പിക്കുമെന്നും നയം പറയുന്നു.
കേരളത്തെ തൊഴിലാളി സൗഹൃദ സംസ്ഥാനമാക്കി മാറ്റുകയെന്ന ലക്ഷ്യത്തോടെയാണ് പുതിയ തൊഴില്നയം കൊണ്ടുവരുന്നത്. തൊഴില്മേഖലകളിലെ അനാരോഗ്യപ്രവണതകള്ക്കെതിരേ കര്ശന നടപടി സ്വീകരിക്കുമെന്നു നയം വ്യക്തമാക്കുന്നു. തൊഴില് നയത്തിലെ മറ്റു പ്രധാനനിര്ദേശങ്ങള്: തൊഴില്ത്തര്ക്കങ്ങള് പരമാവധി ഒഴിവാക്കുന്നതിനു നല്ല തൊഴിലാളിതൊഴിലുടമ ബന്ധം ഉറപ്പാക്കും. ചുമട്ടുതൊഴിലാളി ക്ഷേമപദ്ധതി കൂടുതല് പ്രദേശങ്ങളിലേക്കു വ്യാപിപ്പിക്കും.
ഗാര്ഹിക തൊഴിലാളികളുടെ ജോലിക്കും സംരക്ഷണത്തിനുമായി പ്രത്യേക ലേബര് ബാങ്ക് രൂപീകരിക്കും.
കടകളിലും മറ്റു വാണിജ്യസ്ഥാപനങ്ങളിലും ജോലി ചെയ്യുന്നവരുടെ സേവന വേതന വ്യവസ്ഥകള് മെച്ചപ്പെടുത്താന് തൊഴില് വകുപ്പിന്റെ എന്ഫോഴ്സ്മെന്റ് വിഭാഗം ഇടപെടും. സ്ത്രീ തൊഴിലാളികള്ക്ക് നിയമപ്രകാരമുളള ആനുകൂല്യങ്ങള് ഉറപ്പുവരുത്തും.
https://www.facebook.com/Malayalivartha
