മഹാരാഷ്ട്രയില് കാണാമറയത്തായത് 26,708 സ്ത്രീകള്; ഇവരില് 5056 പേരും 18 വയസ്സിന് താഴെയുള്ളവര്; ഞേട്ടികികുന്ന കണക്കുകള്
കഴിഞ്ഞ അഞ്ചുവര്ഷത്തിനിടെ മഹാരാഷ്ട്രയില് കാണാതായത് 26,708 സ്ത്രീകളെന്ന് കണക്കുകള്. ഇതില് 298 ബാലികമാരടക്കം 2264 സ്ത്രീകളെ ഇനിയും കണ്ടെത്തിയിട്ടില്ലെന്നാണ് വിവരം. ഇവരില് 5056 പേര് 18 വയസ്സിന് താഴെയുള്ളവരാണ്. 18 വയസ്സിനുതാഴെ പ്രായമുള്ളവര് കാണാതായ സംഭവങ്ങളില് തട്ടിക്കൊണ്ടുപോകല് കുറ്റം ചുമത്തിയാണ് കേസെടുത്തത്. 2013നും 2017നുമിടയിലാണ് ഇത്രയുംപേരെ കാണാതായത്.
എന്നാല് ഇതുവരെ 24,444 പേരെ് കണ്ടെത്തി. ഇവരില് 4758 പേര് 18 വയസ്സിന് താഴെയുള്ളവരാണെന്നാണ് വിവരം. നിയമസഭയില് പ്രതിപക്ഷ നേതാവ് കോണ്ഗ്രസിലെ രാധാകൃഷ്ണ വിഖെ പാട്ടീല് ഉന്നയിച്ച ചോദ്യത്തിന് ആഭ്യന്തര വകുപ്പിന്റെ ചുമതലയുള്ള മുഖ്യമന്ത്രി ദേവേന്ദ്ര ഫട്നാവിസ് നല്കിയ മറുപടിയിലാണ് ഈ കണക്കുകള് വ്യക്തമാക്കുന്നത്. സംസ്ഥാനത്ത് മുഴുവന് സമയ ആഭ്യന്തര മന്ത്രിയില്ലാത്തത് ക്രമസമാധാനം തകര്ത്തതായും സ്ത്രീകള്ക്കെതിരെയുള്ള അതിക്രമങ്ങള് കൂടിയതായും നിയമസഭ കൗണ്സില് പ്രതിപക്ഷ നേതാവ് എന്.സി.പിയിലെ ധനഞ്ജയ് മുണ്ടെ ആരോപിച്ചു.
https://www.facebook.com/Malayalivartha