പ്രകൃതി വാതകം, ജൈവവാതകം പ്രോല്സാഹിപ്പിക്കുക ലക്ഷ്യം വെച്ച് പാചകവാതക ഇന്ധനങ്ങള്ക്കെല്ലാം സബ്സിഡി നിര്ദേശം
തത്ക്കാലിക ആശ്വാസം മാത്രമോ അതോ. പാചകവാതക (എല്പിജി) വിലയില് മാത്രം സബ്സിഡി നിജപ്പെടുത്താതെ, ഗാര്ഹികാവശ്യത്തിന് ഉപയോഗിക്കുന്ന എല്ലാത്തരം ശുദ്ധ ഇന്ധനങ്ങള്ക്കും വിലയില് ഇളവ് അനുവദിക്കാനുള്ള നിതി ആയോഗ് നിര്ദേശം വൈകാതെ കേന്ദ്രസര്ക്കാരിനു സമര്പ്പിക്കും. പ്രകൃതി വാതകം (പിഎന്ജി), ജൈവവാതകം എന്നിവയെ പ്രോല്സാഹിപ്പിക്കുകയാണു ലക്ഷ്യം.
!നിലവില് എല്പിജിക്കു മാത്രമാണ് സര്ക്കാര് സബ്സിഡി നല്കുന്നത്. എന്നാല്, രാജ്യതലസ്ഥാനത്തടക്കം പിഎന്ജി ഗാര്ഹികാവശ്യത്തിന് ഉപയോഗിക്കുന്നുണ്ട്. ഇവര്ക്കും ജൈവ വാതക ഇന്ധനം ഉപയോഗിക്കുന്നവര്ക്കും സബ്സിഡി നല്കുന്നതു വഴി ചെലവു കുറഞ്ഞതും സൗകര്യപ്രദവുമായ പിഎന്ജിയും ജൈവാതകവും വ്യാപകമാക്കുകയാണു ലക്ഷ്യം.
സബ്സിഡി തുക വര്ധിച്ചു
വിപണി വിലയ്ക്കു വാങ്ങുന്ന എല്!പിജി സിലിണ്ടറിനു സബ്സിഡി ഉപയോക്താവിന്റെ അക്കൗണ്ടിലേക്കു നല്കുകയാണ് നിലവില്. ഗാര്ഹികാവശ്യത്തിന് സബ്സിഡിയോടെ 12 സിലിണ്ടര് മാത്രമേ അനുവദിക്കൂ. സബ്സിഡി ഇല്ലാതെ 781 രൂപയാണ് സിലിണ്ടര് വില. സബ്സിഡി തുക 60 ശതമാനത്തോളം വര്ധിച്ചെന്നാണ് സര്ക്കാര് കണക്കാക്കുന്നത്. മേയില് 159.29 രൂപയായിരുന്ന സബ്സിഡി ജൂണില് 204.95 രൂപയും ഈ മാസം 257 രൂപയുമായി വര്ധിച്ചു.
അടുക്കളകളില് ശുദ്ധ ഇന്ധനങ്ങളുടെ അഭാവം സ്ത്രീകള്ക്കും കുട്ടികള്ക്കും ഒട്ടേറെ ആരോഗ്യപ്രശ്നങ്ങളുണ്ടാക്കുന്നതായി കേന്ദ്ര സര്ക്കാര് പ്രസിദ്ധീകരിച്ച ദേശീയ ഊര്ജ നയത്തില് ചൂണ്ടിക്കാട്ടിയിരുന്നു.
https://www.facebook.com/Malayalivartha