തന്റെ പുരുഷത്വത്തെ ചൊല്ലി ഡിവോഴ്‌സ് അവശ്യപ്പെട്ട ഭാര്യയ്ക്ക് വ്യത്യസ്ത രീതിയില്‍ പ്രതികാരം ചെയ്ത യുവാവ് അറസ്റ്റില്‍. ഭര്‍ത്താവിന് പുരുഷത്വം ഇല്ലെന്നാരോപിച്ച് യുവതി വിവാഹ മോചനത്തിന് കോടതിയെ സമീപിച്ചിരുന്നു. ഇതിന് പ്രതികാരമെന്നോണമാണ് യുവാവ് മറ്റൊരു യുവതിയുമായി ലൈംഗിക ബന്ധത്തിലേര്‍പ്പെടുന്ന ദൃശ്യങ്ങള്‍ ഭാര്യ വീട്ടുകാര്‍ക്ക് അയച്ചുകൊടുത്തത്. ഹൈദരാബാദിലാണ് സംഭവം.
തന്റെ പുരുഷത്വം തെളിയിക്കാനാണ് അശ്ലീല ദൃശ്യങ്ങള്‍ അയച്ചുകൊടുത്തതെന്നാണ് വിബാവസുവിന്റെ വിശദീകരണം. ഇയാളെ പൊലീസ് ഐടി നിയമ പ്രകാരം അറസ്റ്റ് ചെയ്തു. 2016ലാണ് വിബാവസുവും കൊടുങ്ങയൂര്‍ മുത്തമിഴ് നഗറിലെ അനുഷയും വിവാഹിതരായത്. എന്നാല്‍ വെറും 15 ദിവസം നീണ്ട ദാമ്പത്യമായിരുന്നു ഇരുവരുടേതും. വീട്ടുകാര്‍ ആലോചിച്ച് ഉറപ്പിച്ച വിവാഹമായിരുന്നു ഇത്. വിബാവസുമായിട്ടുള്ള ദാമ്പത്യജീവിതം മുന്നോട്ട് കൊണ്ടുപോകാന്‍ താത്പര്യമില്ലാതിരുന്ന അനുഷ രണ്ട് വര്‍ഷത്തിനുശേഷം വിവാഹമോചനം ആവശ്യപ്പെട്ട് കോടതിയെ സമീപിച്ചു. ഭര്‍ത്താവിന് പുരുഷത്വമില്ല , വിബാവസുവുമായി സന്തോഷകരമായി ജീവിതം മുന്നോട്ട് കൊണ്ടുപോകാന്‍ സാധിക്കുന്നില്ലെന്ന് ചൂണ്ടിക്കാട്ടിയാണ് അനുഷ വിവാഹമോചനം ആവശ്യപ്പെട്ടത്. കോടതിയെ സമീപിച്ചപ്പോള്‍ മാത്രമാണ് താനുമായി അകലാനുള്ള കാരണത്തെക്കുറിച്ച് അറിയുന്നതെന്ന് വിബാവസു പറഞ്ഞു.
തന്റെ പുരുഷത്വത്തെ ചോദ്യം ചെയ്ത ഭാര്യയോട് പ്രതികാരം തീര്‍ക്കാന്‍ മറ്റൊരു സ്ത്രീയുമായി ലൈംഗിക ബന്ധത്തിലേര്‍പ്പെടുന്ന ദൃശ്യങ്ങള്‍ ഭാര്യയ്ക്കും ഭാര്യവീട്ടുകാര്‍ക്കും വിബാവസു അയച്ച് നല്‍കുകയായിരുന്നു. 5 മിനിറ്റ് നീണ്ടുനില്‍ക്കുന്ന ദൃശ്യമാണ് അയച്ചത് . ഭാര്യയുടെ ആരോപണം തെറ്റാണെന്ന് തെളിയിക്കാനായിരുന്നു വിബാവസുവിന്റെ ശ്രമം. എന്നാല്‍ ഭാര്യയുമായി ഇതുവരെ ലൈംഗിക ബന്ധത്തിലേര്‍പ്പെട്ടിട്ടില്ലെന്ന് വിബാവസുവും സമ്മതിക്കുന്നുണ്ട്. വീട്ടുകാരുടെ നിര്‍ബന്ധപ്രകാരമായിരുന്നു ഇരുവരും വിവാഹം കഴിച്ചത്. വിബാവാസു അയച്ചുകൊടുത്ത ദൃശ്യങ്ങള്‍ ഫോണില്‍ കണ്ട അനുഷയും മാതാപിതാക്കളും തൊട്ടടുത്ത പൊലീസ് സ്‌റ്റേഷനില്‍ പരാതി നല്‍കുകയായിരുന്നു. തുടര്‍ന്ന് പൊലീസ് നടത്തിയ ചോദ്യം ചെയ്യലില്‍ ഭാര്യയോട് പ്രതികാരം തീര്‍ക്കാനാണ് ഇങ്ങനെ ചെയ്തതെന്ന് ഇയാള്‍ സമ്മതിച്ചു.