ബംഗാൾ മുഖ്യമന്ത്രിയായ മമത ബാനർജിയും ബിജെപിയും തമ്മിലുള്ള പോര് പുതിയ തലത്തിലേക്ക്. ബിജെപി ദേശീയ അധ്യക്ഷൻ അമിത്‌ഷാ തന്നെ ഈ വിഷയത്തിൽ നിലപാട് കടുപ്പിച്ച് കഴിഞ്ഞു. അമിത് ഷായുടെ ബംഗാളിലേക്കുള്ള വരവ് തടയാൻ ചെയ്യാൻ പറ്റുന്നതൊക്കെ ചെയ്തോളു എന്നാണ് ബിജെപി പറയുന്നത്. 

ബിജെപിയുടെ യുവജന സംഘടനയായ യുവമോർച്ച, അടുത്തയാഴ്ച കൊൽക്കത്തയിൽ സംഘടിപ്പിക്കുന്ന റാലിയിൽ പ​ങ്കെടുക്കുമെന്ന്​ അമിത്​ ഷാ വ്യക്തമാക്കി. മമത സർക്കാർ അനുമതി നൽകിയില്ലെങ്കിലും കൊൽക്കത്തയിൽ പോകുമെന്നും റാലിയിൽ പ​ങ്കെടുക്കും എന്നുമാണ്​ അമിത് ഷാ പ്രഖ്യാപിച്ചിരിക്കുന്നത്.

മമത സർക്കാരിനു വേണമെങ്കിൽ തന്നെ അറസ്​റ്റ്​ ​ചെയ്യാം. എങ്കിലും കൊൽക്കത്തയിൽ ചെന്ന് റാലിയിൽ പങ്കെടുക്കാൻ തന്നെയാണ്​ തീരുമാനമെന്നും ബിജെപി ദേശീയ അധ്യക്ഷൻ വ്യക്തമാക്കി. ഓഗസ്​റ്റ്​ 11നാണ്​ കൊൽക്കത്ത നഗരത്തിൽ യുവമോർച്ചയുടെ റാലി നടക്കുന്നത്​. എന്നാൽ റാലിക്ക്​ ഇതുവരെ ബംഗാൾ സർക്കാർ അനുമതി നൽകിയിട്ടില്ല.