പാക്പ്രധാനമന്ത്രിയായി ഇമ്രാൻഖാൻ സത്യപ്രതിജ്ഞ ചെയ്യുന്ന ചടങ്ങിലേക്ക് ഇന്ത്യൻ പ്രധാനമന്ത്രി നരേന്ദ്ര മോദിക്ക് ക്ഷണമില്ല
പാക്പ്രധാനമന്ത്രിയായി ഇമ്രാൻഖാൻ സത്യപ്രതിജ്ഞ ചെയ്യുന്ന ചടങ്ങിലേക്ക് ഇന്ത്യൻ പ്രധാനമന്ത്രി നരേന്ദ്ര മോദിക്ക് ക്ഷണമില്ല. നിലവിൽ മുൻ ക്രിക്കറ്റ് താരങ്ങളായ കപിൽദേവ്, സുനിൽ ഗാവസ്കർ എന്നിവരെ ക്ഷണിച്ചതായി റിപ്പോർട്ടുണ്ട്. അതേസമയം ബോളിവുഡ് താരമായ ആമിർഖാനും ക്ഷണമുള്ളതായി വാർത്തകൾ ഉണ്ടായിരുന്നെങ്കിലും സത്യപ്രതിജ്ഞാ ചടങ്ങിന് ക്ഷണം ലഭിച്ചിട്ടില്ലെന്ന് താരം വ്യക്തമാക്കി.
അതേസമയം മുന് ക്രിക്കറ്റ് താരവും ഇപ്പോള് പഞ്ചാബ് മന്ത്രിയുമായ നവജോത് സിദ്ധു ക്ഷണം സ്വീകരിച്ചിട്ടുണ്ട്. നല്ലൊരു വ്യക്തിത്വമുളളയാണ് ഇമ്രാന് ഖാന്. അദ്ദേഹത്തെ വിശ്വസിക്കാം. കായിക താരങ്ങള് ഓരോ വ്യക്തിക്കുമിടയിലുള്ള പ്രതിബദ്ധങ്ങള് ഇല്ലാതാക്കി ഒന്നിപ്പിക്കുന്നവരാണെന്ന് സിദ്ധു പറഞ്ഞു. പ്രധാനമന്ത്രി നരേന്ദ്ര മോദിയെ ഇമ്രാന് ഖാന് ക്ഷണിച്ചിട്ടില്ലെന്ന വിവാദവും ഇതിന് പിന്നാലെയുണ്ടായിട്ടുണ്ട്. എന്നാല് സര്ക്കാരിന്റെ അനുമതി കിട്ടിയ ശേഷം പ്രധാനമന്ത്രിയെ ക്ഷണിക്കാനാണ് ഇമ്രാന് ഖാന്റെ തീരുമാനം.
ജൂലായ് 25-ന് നടന്ന തിരഞ്ഞെടുപ്പിൽ ഇമ്രാന്റെ പാർട്ടിയായ പി.ടി.ഐ.യാണ് ഏറ്റവുംവലിയ ഒറ്റക്കക്ഷി. ഓഗസ്റ്റ് 11-നാണ് ഇമ്രാന്റെ സത്യപ്രതിജ്ഞ.
https://www.facebook.com/Malayalivartha