ഹവാല, ഭീകരപ്രവര്ത്തനം എന്നിവയുമായി ബന്ധപ്പെട്ട് ചെമ്പരിക്ക സ്വദേശിയെ ഡല്ഹി പോലീസ് അറസ്റ്റ് ചെയ്തതോടെ കേന്ദ്ര സുരക്ഷാ ഏജന്സികള് കാസര്കോട്ട് പിടിമുറുക്കി, പഴയതും പുതിയതുമായ വിവിധ കേസുകളില് അന്വേഷണം ഊര്ജ്ജിതമാക്കി എന്ഐഎ, റോ, ഐബി ഉദ്യോഗസ്ഥ സംഘങ്ങള്
ഹവാല, ഭീകരപ്രവര്ത്തനം എന്നിവയുമായി ബന്ധപ്പെട്ട് ചെമ്പരിക്ക സ്വദേശിയെ ഡല്ഹി പോലീസ് അറസ്റ്റ് ചെയ്തതോടെ കേന്ദ്ര സുരക്ഷാ ഏജന്സികള് കാസര്കോട്ട് പിടിമുറുക്കി. എന്ഐഎ, റോ, ഐബി ഉദ്യോഗസ്ഥ സംഘങ്ങള് പഴയതും പുതിയതുമായ വിവിധ കേസുകളില് അന്വേഷണം ഊര്ജ്ജിതമാക്കി.
ലോക്സഭാ തെരഞ്ഞെടുപ്പിന് മുമ്പ് ദക്ഷിണേന്ത്യയിലെ പ്രമുഖ ആര്എസ്എസ് നേതാക്കളെ വധിച്ച് കേരളത്തിലും കര്ണാടകത്തിലും കലാപത്തിന് പദ്ധതിയിട്ട കേസിലാണ് ചെമ്പരിക്ക സ്വദേശി സി.എ. മുഹ്ത്തസീമെന്ന തസ്ലീമിനെ 11ന് ചട്ടഞ്ചാലിലെ ഭാര്യാ സഹോദരന്റെ വീട്ടില് നിന്ന് അറസ്റ്റ് ചെയ്തത്. ഇയാള്ക്ക് ഭീകരസംഘടനയായ ഐഎസുമായി ബന്ധമുണ്ടെന്ന് കണ്ടെത്തി. ആര്എസ്എസ് നേതാക്കളെ വധിക്കാന് രണ്ടു കോടി രൂപയുടെ കരാറാണ് മുഹ്ത്തസീമും കൂട്ടുപ്രതികളായ മുഹമ്മദ് സൈഫി, റിയാജുദ്ദീന് എന്നിവരും ഉണ്ടാക്കിയത്. ഇവരുടെ അറസ്റ്റോടെ വലിയ ഗൂഢാലോചന സുരക്ഷ ഏജന്സികള് തകര്ത്തു. ഡല്ഹിയിലെത്തിച്ച് വിശദമായി ചോദ്യം ചെയ്തതോടെ ഇയാള്ക്ക് തീവ്രവാദ സംഘടനയായ ഐ എസുമായി ബന്ധം ഉണ്ടെന്നു സ്ഥിരീകരിച്ചു. ആര് എസ് എസ് നേതാക്കളെ വധിക്കുന്നതിന് രണ്ടു കോടി രൂപയുടെ കരാറാണ് മുഹ്ത്തസീമും കൂട്ടുപ്രതികളായ മുഹമ്മദ് സൈഫി, റിയാജുദ്ദീന് എന്നിവരും ഉണ്ടാക്കിയതെന്നും കണ്ടെത്തി.
തസ്ലീമിന്റെ സാമ്പത്തിക ഇടപാടില് അടൂര് സ്വദേശിയായ മറ്റൊരാള്ക്കെതിരെയും അന്വേഷണം തുടങ്ങി. ഇയാള്ക്ക് ഗള്ഫില് വ്യാപാര സ്ഥാപനങ്ങളുണ്ട്. അഫ്ഗാന് സംഘടനയുമായി ബന്ധമുള്ളവര് അഡൂര് സ്വദേശിയുടെ കടയിലാണ് ഡോളര് കൈമാറിയിരുന്നതെന്നും ഇതിന്റെ തത്തുല്യമായ തുക തസ്ലീം വഴിയാണ് മടക്കി നല്കുന്നതെന്നും സംശയമുണ്ട്.
തസ്ലീം അറസ്റ്റിലായതിനു പിന്നാലെ കേന്ദ്ര പൊതുമേഖലാ സ്ഥാപനത്തിലെ ജീവനക്കാരനെ തേടി എന്ഐഎ സംഘം കഴിഞ്ഞ ദിവസം കാസര്കോടെത്തി, അയാളുടെ വീട് പരിശോധിച്ചു. തളങ്കര സ്വദേശിയായ ഒരാളെ കസ്റ്റഡിയിലെടുത്തു. ഇയാളെ വിശദമായി ചോദ്യം ചെയ്യുകയാണ്. ലാഹോറിലെ ഹലാഹി' ഫണ്ടേഷനില് നിന്ന് ഇന്ത്യയിലെ തീവ്രവാദ പ്രവര്ത്തനങ്ങള്ക്ക് പണം കൈപ്പറ്റിയതുമായി ബന്ധപ്പെട്ടാണ് റെയ്ഡെന്നാണ് സൂചന. പാക്കിസ്ഥാനില് നിരോധനമുള്ള ലാഹോര് കേന്ദ്രീകരിച്ചു പ്രവര്ത്തിക്കുന്ന ഹലാഹി ഫൗണ്ടേഷന് ഇന്ത്യയിലെ തീവ്രവാദ പ്രവര്ത്തനങ്ങള്ക്ക് പണം കൈമാറുന്നുവെന്നു നേരത്തെ വ്യക്തമായിരുന്നു. ഫൗണ്ടേഷനില് നിന്നു പണം കൈപ്പറ്റിയതുമായി ബന്ധപ്പെട്ടാണ് ചൗക്കിയിലടക്കമുള്ള കേന്ദ്രങ്ങളില് റെയ്ഡ് നടന്നതെന്നാണ് സൂചന. ആരോപണ വിധേയനായ ആള് നേരത്തെ ഗള്ഫിലായിരുന്നുവെന്നും പിന്നീട് തിരിച്ചെത്തിയാണ് കേന്ദ്രസര്ക്കാര് സ്ഥാപനത്തില് ജോലിയില് പ്രവേശിച്ചതെന്നും പൊലീസ് വൃത്തങ്ങള് സൂചിപ്പിച്ചു.
https://www.facebook.com/Malayalivartha
