തമിഴ്നാടും കേരളവും പിടിക്കുവാന് തിരഞ്ഞെടുപ്പ് തന്ത്രങ്ങളുമായെത്തിയ നരേന്ദ്രമോദിയെ കാത്തിരുന്നത് ദ്രാവിഡലോകത്തിന്റ അതിശക്തമായ പ്രതിഷേധം. കേരളം പ്രതിഷേധം സോഷ്യല് മീഡിയയില് ഒതുക്കിയെങ്കില്, തമിഴകം സോഷ്യല് മീഡിയയിലും തെരുവിലും ഒരുപോലെ നിറഞ്ഞുനിന്നു
തമിഴ്നാടും കേരളവും പിടിക്കുവാന് തിരഞ്ഞെടുപ്പ് തന്ത്രങ്ങളുമായെത്തിയ നരേന്ദ്രമോദിയെ കാത്തിരുന്നത് ദ്രാവിഡലോകത്തിന്റ അതിശക്തമായ പ്രതിഷേധം. കേരളം പ്രതിഷേധം സോഷ്യല് മീഡിയയില് ഒതുക്കിയെങ്കില്, തമിഴകം സോഷ്യല് മീഡിയയിലും തെരുവിലും ഒരുപോലെ നിറഞ്ഞുനിന്നു. ഗോ ബാക്ക് മോദി എന്ന ഹാഷ് ടാഗ് തമിഴ്നാട്ടില് പ്രചരിച്ചപ്പോള് അന്താരാഷ്ട്ര പ്രസിദ്ധമായ പഴയ പോ മോനേ മോദി എന്ന ഹാഷ് ടാഗ് സി പി എം സൈബര് പോരാളികള് കുത്തിപ്പൊക്കുകയും ചെയ്തു. നരേന്ദ്രമോദിയും ബിജെപിയും ഒട്ടും പ്രതീക്ഷിക്കാത്ത പ്രതിരോധമാണ് ഇവിടുണ്ടായത്.
തമിഴ്നാട്ടില് വ്യാപക നാശനഷ്ടമുണ്ടാക്കിയ ഗജ ചുഴലിക്കാറ്റിന്റെ സമയത്ത് തമിഴ് ജനതയെ സഹായിക്കാന് കേന്ദ്ര സര്ക്കാര് തയ്യാറായില്ലെ എന്നതാണ് തമിഴ്നാട്ടുകാരുടെ പ്രതിഷേധത്തിന് കാരണമെങ്കില് കേരളത്തിലെ പ്രളയക്കാലത്ത് മോദി പുലര്ത്തിയ അവഗണന ചൂണ്ടിക്കാട്ടിയാണ് മലയാളികള് മോദിയ്ക്കെതിരെ പ്രതിഷേധിച്ചത്.
തമിഴ്നാട്ടിലും കേരളത്തിലും ഒരേസമയം ഒരു ഉത്തരേന്ത്യന് നേതാവിനെതിരെ നടന്ന പ്രതിഷേധ സമരം തെക്കേ ഇന്ത്യയുടെ ആത്മാവില് ശക്തമായുള്ള ദ്രാവിഡവികാരത്തിന്റെ സൂചനയാണെന്നാണ് ചിലര് ഇതിനെ നിരീക്ഷിച്ചത്. മതത്തിന്റെയും ഭരണത്തിന്റെയും പേരില് നൂറ്റാണ്ടുകളായി ദ്രാവിഡസംസ്കാരം തകര്ക്കുന്ന പ്രവര്ത്തനങ്ങളിലാണ് ഉത്തരേന്ത്യയില് നിന്നുള്ള ആര്യന്മാര് ഏര്പ്പെടുന്നതെന്ന ആരോപണം നേരത്തേതന്നെ നിലവിലുണ്ട്. ഉത്തരേന്ത്യന് ഹൈന്ദവസംസ്കാരത്തെ ചെറുക്കുന്ന ബാനറുകളും മോദിക്കെതിരെയുള്ള തമിഴ്നാട്ടിലെ തെരുവ് റാലികളില് പ്രത്യക്ഷപ്പെട്ടത് ഈ വികാരത്തിന്റെ പ്രതിഫലനമായാണ് ചൂണ്ടിക്കാണിക്കുന്നത്. ഗോ ബാക്ക് മോദി എന്ന ഹാഷ് ടാഗില് വിവിധ തമിഴ് സംഘടനകളുടെ നേതൃത്വത്തിലുള്ള പ്രതിഷേധം തമിഴ്നാട്ടില് വ്യാപകമായി പ്രത്യക്ഷപ്പെട്ടു. തമിഴ്നാടിന്റെ ഭൂപടത്തില് ഇ.വി.ആര് പെരിയാറിന്റെ ചിത്രം ആലേഖനം ചെയ്ത കാര്ട്ടൂണും ഇതിനോടൊപ്പം വ്യാപകമായി പടര്ന്നു.
തൂത്തുക്കുടി സ്റ്റെര്ലൈറ്റ് വിരുദ്ധസമരത്തില് 13 പേര് വെടിയേറ്റു മരിച്ചപ്പോള് പ്രധാനമന്ത്രി എവിടെയായിരുന്നെന്ന ചോദ്യവും തമിഴ് ജനതയുടെ ഗോ ബാക്ക് മോദി കാമ്പയിനില് ഉയര്ന്നുവന്നു. കാവേരി പ്രശ്നം വന്നപ്പോള് മോദി കര്ണാടകയ്ക്ക് അനുകൂലമായി നിലപാടെടുത്തതും പ്രതിഷേധക്കാര് മറന്നില്ല. 12ാം ക്ലാസ് പരീക്ഷയിലെ മാര്ക്ക് പരിഗണിക്കുന്നതിനു പകരം നീറ്റ് പരീക്ഷ ഏര്പ്പെടുത്തിയതും അവര് എടുത്തു പറയുന്നു. കഴിഞ്ഞ വര്ഷം മോദി ചെന്നൈയിലെത്തിയപ്പോഴും മോദിക്കെതിരെ സമാനമായ പ്രതിഷേധമുണ്ടായിരുന്നു. അന്ന് വേദിക്രികില് കറുത്ത ബലൂണ് പറത്തിയാണ് തമിഴകം പ്രതിഷേധിച്ചത്.
നൂറ്റാണ്ടിലെ ഏറ്റവും വലിയ പ്രളയത്തെ കേരളം നേരിട്ടപ്പോള് വിദേശ സഹായം നിഷേധിക്കുകയും കേന്ദ്രസഹായം വെട്ടിക്കുറക്കുകയും ചെയ്ത മോദിയുടെ നിലപാടാണ് മലയാളികളുടെ പ്രതിഷേധത്തില് മുഖ്യമായും നിറഞ്ഞുനിന്നത്. പ്രളയകാലത്ത് തന്ന അരിയുടെതടക്കം വില ഈടാക്കിയതും ചിലര് ചൂണ്ടിക്കാട്ടി. ഇതോടൊപ്പം മോദിഭരണക്കാലത്തെ അഴിമതിയും വില വര്ധനയും തൊഴിലില്ലായ്മയും ന്യൂനപക്ഷങ്ങള്ക്കെതിരെയുള്ള അതിക്രമവുമെല്ലാം സൂചനയില് വന്നു.
അതേസമയം, മധുരയിലും തൃശൂരിലും വമ്പിച്ച പൊതുജനസമ്മേളനങ്ങളിലാണ് മോദി പങ്കെടുത്തത്.
മധുരൈ എയിംസ് ആശുപത്രിയുടെ തറക്കല്ലിടല് ചടങ്ങായിരുന്നു തമിഴ്നാട്ടില് മോദിയുടെ പ്രധആന പരിപാടി. രാജാജി, തഞ്ചാവൂര്, തിരുനെല്വേലി മെഡിക്കല് കോളജുകളില് സൂപ്പര് സ്പെഷ്യല്റ്റി ബ്ലോക്കുകളുടെ ഉദ്ഘാടനവും അദ്ദേഹം നിര്വഹിച്ചു. കേന്ദ്രം നടപ്പാക്കുന്ന മോദി കെയര് ആരോഗ്യ ഇന്ഷുറന്സ് പദ്ധതിയുടെ ഗുണഫലം ഇതുവരെ തമിഴ്നാട്ടിലെ 89,000 പേര്ക്കു ലഭിച്ചെന്നാണ് യോഗത്തില് പ്രധാനമന്ത്രി അവകാശപ്പെട്ടത്.
ബിപിസിഎല്ലിലെ വിവിധ പദ്ധതികളുടെ ഉദ്ഘാടനം നിര്വഹിക്കുന്നതിനായാണ് പ്രധാനമന്ത്രി കേരളത്തിലെത്തിയത്. പുതിയ പെട്രോ കെമിക്കല് കോപല്ക്സിന്റെയും ഏറ്റുമാനൂര് സ്കില് ഡെവലപ്മെന്റ് ഇന്സ്റ്റിറ്റിയൂട്ടിന്റെയും ശിലാസ്ഥാപനവും അദ്ദേഹം നിര്വ്വഹിച്ചു. എങ്കിലും അദ്ദേഹത്തിന്റെ പ്രധാന പൊതുവേദി തൃശൂരിലെ യുവമോര്ച്ച സംസ്ഥാന സമ്മേളനമായിരുന്നു. സിപിഎമ്മും യുഡിഎഫും ചേര്ന്ന് കേരളത്തിന്റെ സാംസ്കാരിക പൈതൃകം ഇല്ലാതാക്കുകയാണെന്നാണ് യോഗത്തില് മോദി ആക്ഷേപമുന്നയിച്ചത്.
എന്തായാലും, മോദിയുടെ ദക്ഷിണേന്ത്യന് പര്യടനം തിരഞ്ഞെടുപ്പിന്റെ ചൂടിനു ശക്തി പകരുന്നതായി എന്നു പറയാം. വ്യക്തിപരമായ സ്തുതികളും ആരോപണങ്ങളും മാത്രം നിറയുന്നതിനു പകരം രാഷ്ട്രീയവും സംസ്കാരവും ചരിത്രവുമൊക്കെ തിരഞ്ഞെടുപ്പ് സംവാദത്തില് കടന്നുവരുന്നത് നല്ല ലക്ഷണമാണ്. പക്ഷേ, ഇത് എത്ര കാലത്തേക്ക് എന്നതാണ് പ്രശ്നം. താമസിയാതെ മതം തിരഞ്ഞെടുപ്പിലെ മുഖ്യവിഷയമാക്കി മാറ്റാനാണ് ബിജെപിയുടെ ശ്രമമെന്നാണ് ചില വിലയിരുത്തലുകള്.
https://www.facebook.com/Malayalivartha
