കേന്ദ്രത്തില് ലോക്പാലിന്റെയും സംസ്ഥാനങ്ങളില് ലോകായുക്തയുടെയും നിയമനം തേടിയും കാര്ഷിക പ്രശ്നങ്ങള് പരിഹരിക്കാന് അടിയന്തര നടപടി ആവശ്യപ്പെട്ടും നിരാഹാരം തുടരുന്ന ഗാന്ധിയന് അണ്ണാ ഹസാരെ അവശനിലയില്
കേന്ദ്രത്തില് ലോക്പാലിന്റെയും സംസ്ഥാനങ്ങളില് ലോകായുക്തയുടെയും നിയമനം തേടിയും കാര്ഷിക പ്രശ്നങ്ങള് പരിഹരിക്കാന് അടിയന്തര നടപടി ആവശ്യപ്പെട്ടും നിരാഹാരം തുടരുന്ന ഗാന്ധിയന് അണ്ണാ ഹസാരെ അവശനിലയില്. നിരാഹാരം മൂന്നാം ദിവസം പിന്നിടുമ്പോള് അദ്ദേഹം അവശനായി തുടങ്ങിയെന്നാണ് റിപ്പോര്ട്ടുകള്.രക്തത്തിലെ പഞ്ചാസരയുടെ അളവും രക്തസമ്മര്ദവും ഗണ്യമായ അളവില് കുറഞ്ഞതായി അദ്ദേഹത്തെ പരിശോധിച്ച മെഡിക്കല് സംഘം കണ്ടെത്തി.
എന്നാല് എണ്പതുകാരനായ ഹാസാരയുടെ ആരോഗ്യസ്ഥിതി സംബന്ധിച്ച് വിശദീകരിക്കാന് മെഡിക്കല് സംഘം വിസമ്മതിച്ചു. മുംബൈയില് നിന്ന് 215 കിലോമീറ്റര് അകലെ അഹമ്മദ്നഗര് ജില്ലയിലുള്ള ജന്മഗ്രാമം റാളെഗണ് സിദ്ധിയിലാണു ഹസാരെ സമരമിരിക്കുന്നത്.മോദി സര്ക്കാരിന്റെ കാലത്ത് രണ്ടുതവണ നിശ്ചയിച്ചശേഷം, മാറ്റിവച്ച സമരമാണ് പൊതുതെരഞ്ഞെടുപ്പ് അടുത്തിരിക്കേ വീണ്ടും ആരംഭിച്ചിരിക്കുന്നത്.
കഴിഞ്ഞ യുപിഎ ഭരണകാലത്ത് അണ്ണാ ഹസാരെ തുടങ്ങിവച്ച സമരം, ആ സര്ക്കാരിന്റെ പതനത്തിനു കാരണമായിരുന്നു.
https://www.facebook.com/Malayalivartha
