അയല്വീട്ടിലെ പൂവന് കോഴിക്കെതിരെ മാതാപിതാക്കളുടെ കേസ് , കോഴി തന്റെ മകളെ സ്ഥിരമായി ആക്രമിക്കുന്നുവെന്നാണ് പരാതി
അയല്വാസികള് തമ്മില് പലതരം വഴക്കുകളും ഉണ്ടാകാറുണ്ട്. എന്നാല് ഒരു പൂവന്കോഴിയെ കോടതി കയറ്റുന്നത് വരെ തര്ക്കം എത്തിയാലോ? ഒരു പൂവന്കോഴിയുടെ പേരില് നിരന്തരം പൊലീസ് സ്റ്റേഷന് കയറിയിറങ്ങേണ്ട അവസ്ഥ വന്നിരിക്കയാണ് ശിവപുരി സ്വദേശികളായ ദമ്പതികള്ക്ക്.
അയല്വാസിയുടെ കുട്ടിയെ അവര് വളര്ത്തുന്ന പൂവന്കോഴി ഉപദ്രവിക്കുന്നതാണ് കാരണം. അയല്വാസിയായ വീട്ടമ്മയാണ് പോലീസില് പരാതിയുമായി എത്തിയത്. കഴിഞ്ഞ 5 മാസത്തിനിടെ നാല് തവണ കോഴി തന്റെ മകളെ ആക്രമിെച്ചന്നും നിരവധി തവണ താക്കീത് നല്കിയിട്ടും കോഴിയുടെ ആക്രമണത്തെ തടയുന്നതിന് യാതൊരു നടപടിയും എടുത്തിട്ടില്ലെന്നും ഇപ്പോഴും ആക്രമണം തുടരുകയാണെന്നും പരാതിയില് പറയുന്നു.
പരാതി ലഭിച്ചതോടെ കോഴിയുടെ ഉടമസ്ഥരായ പപ്പു ജാദവിനെയും ലക്ഷമിയെയും പൊലീസ് വിളിച്ചുവരുത്തി.
എന്നാല് കോഴിയെ വെറുതെ വിടണമെന്നും പകരം തങ്ങളെ ശിക്ഷിച്ചോളൂ എന്നുമാണ് ഇവര് പറഞ്ഞത്. കുട്ടികളില്ലാത്ത തങ്ങള്ക്ക് പൂവന്കോഴി സ്വന്തം കുഞ്ഞിനെപ്പോലെയാണെന്നും ഇവര് പറയുന്നു. തങ്ങളുടെ കോഴിയെ വെറുതെ വിടണമെന്ന് ഇവര് പരാതിക്കാരോടും അപേക്ഷിച്ചു.
ഒടുവില്, ഇനി ഒരു തവണ കൂടി ആക്രമണം ഉണ്ടായാല് കോഴിയെ വില്ക്കാമെന്ന പപ്പുവിന്റെ ഉറപ്പിന്മേല് പൊലീസ് ഇരുവരെയും വിട്ടയച്ചു.
https://www.facebook.com/Malayalivartha
