ബീഹാറില് സീമാഞ്ചല് എക്സ്പ്രസ് ട്രെയിന് പാളംതെറ്റി ആറ് പേര്ക്ക് ദാരുണാന്ത്യം, 29 പേര്ക്ക് പരിക്ക്
ബീഹാറില് സീമാഞ്ചല് എക്സ്പ്രസ് ട്രെയിന് പാളംതെറ്റി ആറ് പേര് മരിച്ചു. 29 പേര്ക്കു പരിക്കേറ്റു. രണ്ടുപേരുടെ നില ഗുരുതരമാണ്. കിഷന്ഗഞ്ചില്നിന്നു ഡല്ഹിയിലേക്കു പോയ ട്രെയിന് ഞായറാഴ്ച പുലര്ച്ചെ നാലുമണിയോടെ വൈശാലി ജില്ലയിലെ സഹ്ദായി ബുസര്ഗിലാണ് അപകടത്തില്പ്പെട്ടത്. പാളത്തിലെ വിള്ളലാണ് അപകടകാരണമെന്നു പ്രാഥമികാന്വേഷണത്തില് വ്യക്തമായതായി റെയില്വേ വൃത്തങ്ങള് സൂചിപ്പിച്ചു.
ഒരു ജനറല് കോച്ചും ഒരു എസി കോച്ചും മൂന്ന് സ്ലീപ്പര് കോച്ചുകളുമുള്പ്പെടെയാണു പാളംതെറ്റിയത്. അപകടത്തില് പരിക്കേറ്റവരെ ഉടന്തന്നെ പ്രദേശത്തെ ആശുപത്രികളിലേക്കു മാറ്റി. ഗുരുതരമായി പരിക്കേറ്റവരെ പിന്നീട് വിദഗ്ധചികിത്സയ്ക്കായി മുസാഫര്പുര്, പാറ്റ്ന എന്നിവിടങ്ങളിലേക്കു കൊണ്ടുപോയി. ദേശീയദുരന്തനിവാരണസേനാ യൂണിറ്റ് ഉള്പ്പെടെ രക്ഷാപ്രവര്ത്തനത്തില് പങ്കാളികളായി.
അപകടത്തില് മരിച്ചവരുടെ ആശ്രിതര്ക്ക് അഞ്ചുലക്ഷം രൂപ വീതം ആശ്വാസധനം റെയില്വേമന്ത്രി പിയൂഷ് ഗോയല് പ്രഖ്യാപിച്ചു. ഗുരുതരമായി പരിക്കേറ്റവര്ക്ക് ഒരു ലക്ഷംരൂപ വീതവും നല്കും.
"
https://www.facebook.com/Malayalivartha
