കേബിള് ടിവി, ഡി.റ്റി.എച്ച് നിയന്ത്രണം ഉപഭോക്താക്കള്ക്ക് തിരിച്ചടിയാകും:- പ്രതിമാസ വരിസംഖ്യയില് 25 ശതമാനം വരെ വിലവർദ്ധനവ്
ഈ മാസം ഒന്ന് മുതല് ട്രായ് നടപ്പിലാക്കിയ കേബിള് ടിവി, ഡി.റ്റി.എച്ച് നിയന്ത്രണം ഉപഭോക്താക്കള്ക്ക് തിരിച്ചടിയാകുമെന്ന് റിപ്പോര്ട്ട്. ഉപഭോക്താക്കളുടെ പ്രതിമാസ വരിസംഖ്യയില് 25ശതമാനം വരെ വിലവര്ദ്ധനവ് ഉണ്ടാകുമെന്നാണ് പ്രമുഖ ഏജന്സിയായ ക്രിസിലിന്റെ റിപ്പോര്ട്ടുകള്.
അതേസമയം ജനകീയ ചാനലുകളള്ക്ക് ഇത് ഗുണകരമായ മാറ്റമാണെന്ന് ക്രിസിലിന്റെ റിപ്പോര്ട്ടില് പറയുന്നു. ട്രായിയുടെ നിയന്ത്രണം വരുന്നതോടെ പലരും പെയ്ഡ് ചാനലുകളാക്കി മാറ്റിയിട്ടുണ്ട്. നിരക്കുകളുടെ സുതാര്യതയ്ക്കും ഉപഭോക്താക്കളുടെ സൗകര്യത്തിനും വേണ്ടിയാണ് ട്രായ് പുതിയ നിയന്ത്രണങ്ങള് കൊണ്ടുവന്നത്.
നേരത്തെയുണ്ടായിരുന്ന നിരക്കുമായി താരതമ്യം ചെയ്യുമ്ബോള് ഓരോ ഉപഭോക്താവും പ്രതിമാസ ബില്ലില് 25ശതമാനം അധിക തുക നല്കേണ്ടി വരുമെന്നാണ് ക്രിസിലിന്റെ വിലയിരുത്തല്. അതായത് പ്രതിമാസം 230-240 രൂപ നിരക്കില് ചാനലുകള്ക്ക് വരിസംഖ്യ അടച്ചിരുന്നവര് പുതിയ നിരക്കുകള് പ്രകാരം 300 രൂപയെങ്കിലും അടയ്ക്കാന് നിര്ബന്ധിതരാകും എന്നാണ് ക്രിസില് പറയുന്നത്.
https://www.facebook.com/Malayalivartha