തന്നെ 19-കാരി ബലാത്സംഗം ചെയ്തുവെന്ന് യുവതിയുടെ പരാതി, സ്വവര്‍ഗാനുരാഗം കുറ്റകരമല്ലാതാക്കിയ ശേഷമുള്ള ആദ്യ കേസ്
കിഴക്കന്‍ സംസ്ഥാനങ്ങളില്‍ നിന്ന് ഡല്‍ഹിയില്‍ ജോലി തേടി എത്തിയ യുവതിയെ, അരക്കെട്ടില്‍ ബെല്‍റ്റ് ഉപയോഗിച്ച് കൃത്രിമമായി ലിംഗം കെട്ടിവച്ച് 19-കാരിയായ യുവതി ലൈംഗികമായി പീഡിപ്പിച്ചുവെന്നും ശാരീരിമായി മര്‍ദ്ദിച്ചുവെന്നും പരാതി നല്‍കി.
സ്വവര്‍ഗാനുരാഗം ക്രമിനല്‍ കുറ്റമല്ലാതാക്കിയ സുപ്രീം കോടതി ഉത്തരവിനു ശേഷം നടക്കുന്ന ആദ്യ കേസാണിത്. കഴിഞ്ഞ വര്‍ഷം സെപ്തംബറിലാണ് കോടതി ചരിത്രവിധി പുറപ്പെടുവിച്ചത്.
ജോലി തേടി എത്തിയ യുവതി പിന്നീട് സ്വയം ബിസിനിസ് ചെയ്യാനുള്ള ശ്രമങ്ങള്‍ തുടങ്ങി. ഈ സമയം പരിചയപ്പെട്ട യുവാവ് തന്നെ ഫ്ലാറ്റിലേക്ക് കൂട്ടിക്കൊണ്ടുപോയെന്നും അയാളും സുഹൃത്തുക്കളും ചേര്‍ന്ന് ബലാത്സംഗം ചെയ്തുവെന്നും പരാതിക്കാരി പറയുന്നു. ഇതിനു ശേഷം യുവതി തന്നെ രണ്ടു മാസത്തോളം തടവില്‍ വച്ചു നിരന്തരമായി ലൈംഗികമായി പീഡിപ്പിച്ചുവെന്നും ശാരീരിമായി മര്‍ദ്ദിച്ചുവെന്നുമാണ് പരാതി നല്‍കിയത്.
കൃത്രിമമായി പുരുഷലിംഗം കെട്ടിവച്ച് യുവതി തന്നെ പ്രകൃതിവിരുദ്ധ പീഡനത്തിന് ഇരയാക്കി എന്നാണ് പരാതിക്കാരിയുടെ ആരോപണം. അരക്കെട്ടില്‍ ബെല്‍റ്റ് ഉപയോഗിച്ച് കൃത്രിമമായി ലിംഗം കെട്ടിവച്ചായിരുന്നു പീഡനം. പരാതിയില്‍ അറസ്റ്റിലായ യുവതിയെ പോലീസ് കര്‍കര്‍ദൂമ കോടതിയില്‍ ഹാജരാക്കി.
ഇവരെ ചോദ്യം ചെയ്യുന്നതിനായി ഒരു ദിവസത്തേക്ക് പോലീസ് കസ്റ്റഡിയില്‍ വിട്ടുകൊടുത്തു. തുടര്‍ന്ന് തിഹാര്‍ ജയിലില്‍ റിമാന്‍ഡ് ചെയ്തു. പരാതിക്കാരി മജിസ്‌ട്രേറ്റിനു മുമ്പാകെ നല്‍കിയ രഹസ്യ മൊഴിയുടെ അടിസ്ഥാനത്തിലാണ് അറസ്റ്റു നടന്നത്. ഐപിസി 377-നു പുറമേ അസന്മാര്‍ഗിക പ്രവര്‍ത്തനം തടയുന്ന നിയമപ്രകാരവുമാണ് നടപടി.
സാമൂഹ്യ പ്രവര്‍ത്തകര്‍ ഇടപെട്ടാണ് പരാതിക്കാരിയെ മോചിപ്പിച്ചത്. എന്നാല്‍ പരാതിക്കാരിക്ക് കുറ്റകൃത്യം നടന്ന സ്ഥലം വ്യക്തമാക്കാന്‍ കഴിയാത്തതിനാല്‍ ഡല്‍ഹി സീമാപുരി പോലീസ് കേസെടുക്കാന്‍ തയ്യാറായിരുന്നില്ല. യുവതിയുടെ പരാതിയില്‍ രാഹുല്‍, രോഹിത്, സാഗര്‍ എന്നിവരെ നേരത്തെ പിടികൂടിയിരുന്നു.
https://www.facebook.com/Malayalivartha
