കുറച്ചു ദിവസം മറ്റു ചർച്ചകൾക്കൊന്നും ഇല്ല; പുൽവാമ ഭീകരാക്രമണവുമായി ബന്ധപ്പെട്ട് കോണ്ഗ്രസ്സ് പാര്ട്ടി സർക്കാരിന് പിന്തുണ നൽകുന്നതായി കോണ്ഗ്രസ്സ് അധ്യക്ഷൻ രാഹുൽ ഗാന്ധി
പുൽവാമ ഭീകരാക്രമണവുമായി ബന്ധപ്പെട്ട് കോണ്ഗ്രസ്സ് പാര്ട്ടി സർക്കാരിന് പിന്തുണ നൽകുന്നതായി കോണ്ഗ്രസ്സ് അധ്യക്ഷൻ രാഹുൽ ഗാന്ധി. കുറച്ചു ദിവസം മറ്റു ചർച്ചകൾക്കൊന്നും ഇല്ലന്നും രാഹുൽ ഗാന്ധി പറഞ്ഞു. പുല്വാമയില് ഭീകരാക്രമണത്തില് 45 ജവാന്മാര് വീരമൃത്യുവരിച്ച സംഭവത്തില് മാധ്യമങ്ങളോട് പ്രതികരിക്കുകയായിരുന്നു അദ്ദേഹം. ഈ പ്രതിസന്ധി ഘട്ടത്തിൽ ഞാൻജവാന്മാർക്കും സർക്കാരിനും പിന്തുണയർപ്പിക്കുകയാണ്. ഇത് നമ്മൾ വിലപിക്കുകയും ദഃഖമാചരിക്കുകയും ചെയ്യേണ്ട സമയമാണ്. ഈ സമയം അവർ ബഹുമാനം അർഹിക്കുന്നു എന്നും രാഹുൽ വ്യക്തമാക്കി.
ചില വിവാദപരമായ ചോദ്യങ്ങള്ക്കുള്ള മറുപടിയായാണ് രാഹുല് നയം വ്യക്തമാക്കിയത്. രഹസ്യാന്വേഷണ വിഭാഗത്തിന്റെ വീഴ്ചയെ കുറിച്ച് കോണ്ഗ്രസ്സ് വക്താവ് അഭിഷേക് മനു സിങ്വി ചില ചോദ്യങ്ങളുന്നയിച്ചിരുന്നു.എന്നാൽ രാഹുൽ അത്തരം ചർച്ചകളിലേക്ക് കടക്കാൻ ആഗ്രഹിച്ചില്ല. ഒരു ശക്തിക്കും ഒരു വിദ്വേഷത്തിനും വൈരാഗ്യത്തിനും ഇത്തരമൊരു കാര്യം സ്നേഹത്താലും അനുകമ്പയാലും കെട്ടിപ്പടുക്കപ്പെട്ട നമ്മുടെ രാജ്യത്തോട് ചെയ്യാനാവില്ല.ഒരു ശക്തിക്കും ഇന്ത്യയെ ഭിന്നിപ്പിക്കാനാവില്ല.കോണ്ഗ്രസ്സ് പാര്ട്ടിയും പ്രതിപക്ഷ കക്ഷികളെല്ലാവരും തന്നെയും ഈ പ്രതിസന്ധി ഘട്ടത്തില് സര്ക്കാരിനും ജവാന്മാര്ക്കുമൊപ്പം നില്ക്കും. മറ്റൊരുതരം ചര്ച്ചകള്ക്കും ഞങ്ങളില്ല രാഹുല് വ്യക്തമാക്കി.
https://www.facebook.com/Malayalivartha