ജമ്മു കശ്മീരിലെ ഭീകരാക്രമണത്തെ അപലപിച്ച് അന്താരാഷ്ട്ര സമൂഹം
ജമ്മു കശ്മീരിലെ ഭീകരാക്രമണത്തെ അപലപിച്ച് അന്താരാഷ്ട്ര സമൂഹം. ഭീകരാക്രമണത്തില് 40 ധീര ജവാന്മാര് വീരമൃത്യു വരിച്ചതില് ഇന്ത്യയ്ക്ക് എല്ലാവിധ പിന്തുണയും നല്കുമെന്ന് ലോകരാജ്യങ്ങള് ഒറ്റക്കെട്ടായി പ്രഖ്യാപിച്ചു. അതേസമയം, അയല് രാജ്യമായ ചൈന ഇതുവരെയായിട്ടും ഭീകരാക്രമണത്തെ അപലപിച്ചില്ല. ജെയ്ഷെ മൊഹമ്മദ് തലവന് മസൂദ് അസറിനെ ഭീകരവാദിയായി പ്രഖ്യാപിക്കണമെന്നുള്ള ഇന്ത്യയുടെ ആവശ്യം ചൈന തടഞ്ഞിരുന്നു.
പരിശീലനം കഴിഞ്ഞ് ജമ്മുവില് നിന്ന് ശ്രീനഗറിലേക്ക് വരികയായിരുന്നു സൈനികരുടെ വാഹന വ്യൂഹത്തിനു നേരെ ആയിരുന്നു ഭീകരാക്രമണം ഉണ്ടായത്. 78 ബസുകളിലായി 2,500 ഓളം സൈനികര് ആയിരുന്നു ഉണ്ടായിരുന്നത്. വാഹനവ്യൂഹത്തിന് ഇടയിലേക്ക് ചാവേര് കാര് ഇടിച്ചുകയറ്റുകയായിരുന്നു. 42 സൈനികര് യാത്ര ചെയ്യുകയായിരുന്ന ഒരു ബസ് പൂര്ണമായും തകര്ന്നു. 40 ജവാന്മാര് ഭീകരാക്രമണത്തില് വീരമൃത്യു വരിച്ചു.
ഭീകരാക്രമണത്തിന്റെ പശ്ചാത്തലത്തില് പാകിസ്താനെതിരേ രൂക്ഷമായ വിമര്ശനമുന്നയിച്ച് അമേരിക്കയും രംഗത്തെത്തിയിരുന്നു. തീവ്രവാദ സംഘങ്ങള്ക്ക് പിന്തുണയും അഭയും നല്കുന്നത് പാകിസ്ഥാന് അവസാനിപ്പിക്കണമെന്നാണ് വൈറ്റ്ഹൗസ് ആവശ്യപ്പെട്ടിരിക്കുന്നത്.
പാകിസ്താന് ആസ്ഥാനമായ ജെയ്ഷെ ഇ മുഹമ്മദ് സംഘടന ആക്രമണത്തിന്റെ ഉത്തരവാദിത്വം ഏറ്റെടുത്ത് രംഗത്ത് വന്നിരുന്നു. ഇതേത്തുടര്ന്നാണ് സംഭവത്തെ അപലപിച്ച് പത്രക്കുറിപ്പിറക്കിയ വൈറ്റ്ഹൗസ് പാകിസ്താനെതിരേ വിമര്ശനം അഴിച്ചു വിട്ടത്.
'സ്വന്തം മണ്ണില് പ്രവര്ത്തിക്കാന് എല്ലാ ഭീകരവാദസംഘടനകള്ക്കും അഭയവും പിന്തുണയും നല്കുന്നത് പാകിസ്താന് അവസാനിപ്പിക്കണമെന്ന് യുഎസ് ആവശ്യപ്പെടുകയാണ്', വൈറ്റ് ഹൗസ് പ്രസ്സ് സെക്രട്ടറി സാറ സാന്ഡേഴ്സ് വ്യാഴാഴ്ച രാത്രി പുറപ്പെടുവിച്ച പത്രകുറിപ്പില് പറഞ്ഞു.
തീവ്രവാദത്തെ നേരിടാനായി ഇന്ത്യയും അമേരിക്കയും ഒരുമിച്ച് നിന്നുള്ള പരിശ്രമങ്ങളെ ശക്തിപ്പെടുത്താനേ ഈ ആക്രമണം കൊണ്ടാകൂ എന്നും അമേരിക്ക മുന്നറിയിപ്പു നല്കി. മൂന്ന് മണിയോടെ ജമ്മു- ശ്രീനഗര് ദേശീയ പാതയിലാണ് സിആര്പിഎഫ് വാഹന വ്യൂഹനത്തിന് നേരെ ഭീകരാക്രണം നടന്നത്. ജമ്മുവില് നിന്ന് ശ്രീനഗറിലേയ്ക്ക് പോകുകയായിരുന്ന വാഹന വ്യൂഹത്തിന് നേരെ ഉഗ്രശേഷിയുള്ള ബോംബ് വെച്ച വാഹനം ഓടിച്ചു കയറ്റി സ്ഫോടനം നടത്തുകയായിരുന്നു.
ഭീകരാക്രമണത്തില് മരണ സംഖ്യ നാല്പ്പത്തിനാലായി. 45 ജവാന്മാര്ക്ക് പരുക്കേറ്റിട്ടുണ്ട്. പരുക്കേറ്റവരില് 23ഓളം പേരുടെ നില ഗുരുതരമാണ്. ആക്രമണത്തിന്റെ ഉത്തരവാദിത്വം പാക്കിസ്ഥാന് തീവ്രവാദ സംഘടനയായ ജയ്ഷെ മുഹമ്മദ് ഏറ്റെടുത്തു. വാര്ത്താ ഏജന്സിയിലേക്ക് വിളിച്ച് ആക്രമണം നടത്തിയത് തങ്ങളാണെന്ന് ജെയ്ഷെ മുഹമ്മദ് അറിയിക്കുകയായിരുന്നു. സമീപകാലത്ത് രാജ്യത്തുണ്ടായ ഏറ്റവും കനത്ത ഭീകരാക്രമണം ആണിത്.ഒരിക്കലും മറക്കാനാവാത്ത വിധം തീവ്രവാദികളെ പാഠം പഠിപ്പിക്കണമെന്നും കനത്ത തിരിച്ചടി നല്കണമെന്നും കേന്ദ്രമന്ത്രി അരുണ് ജെയ്റ്റ്ലി ആവശ്യപ്പെട്ടു.
https://www.facebook.com/Malayalivartha