ഡല്ഹിയില് മലയാളികള് ഉള്പ്പെടെ 17 പേരുടെ മരണത്തിനിടയാക്കിയ തീപിടിത്തവുമായി ബന്ധപ്പെട്ട് ഹോട്ടല് ഉടമ അറസ്റ്റില്
ഡല്ഹിയില് മലയാളികള് ഉള്പ്പെടെ 17 പേരുടെ മരണത്തിനിടയാക്കിയ തീപിടിത്തവുമായി ബന്ധപ്പെട്ട് ഹോട്ടല് ഉടമയെ ഡല്ഹി െ്രെകംബ്രാഞ്ച് അറസ്റ്റ് ചെയ്തു. അര്പിത് പാലസ് ഹോട്ടല് ഉടമ രാഗേഷ് ഗോയലിനെയാണ് അറസ്റ്റ് ചെയ്തത്.
ഇയാളെ ഞായറാഴ്ച കോടതിയില് ഹാജരാക്കും. തീപിടത്തമുണ്ടായതിനു ശേഷം ഇയാള് ഒളിവിലായിരുന്നു. വിദേശത്തേക്കു കടന്നതായും വാര്ത്തകള് വന്നിരുന്നു. കഴിഞ്ഞ ബുധനാഴ്ച പുലര്ച്ചെ ഡല്ഹി കരോള് ബാഗിലായിരുന്നു സംഭവം.
തീപിടിത്തത്തില് അമ്മയും രണ്ട് മക്കളും ഉള്പ്പെടെ മൂന്നു മലയാളികളാണ് മരിച്ചത്. ചോറ്റാനിക്കര സ്വദേശി നളിനിയമ്മ മക്കളായ വിദ്യാസാഗര്, ജയശ്രീ എന്നിവരാണ് മരിച്ചത്. ഗാസിയാബാദില് വിവാഹച്ചടങ്ങിന് എത്തിയതായിരുന്നു 13 അംഗസംഘം. വിവാഹം കഴിഞ്ഞ് മടങ്ങാനിരിക്കെയാണ് തീപിടിത്തമുണ്ടായത്. സ്ത്രീയും കുഞ്ഞും മരിച്ചവരില് ഉള്പ്പെടുന്നു. തീപിടിത്തം കണ്ട് ഭയപ്പെട്ട് താഴേക്കു ചാടിയതാണു രണ്ടു പേര് മരിക്കാന് കാരണം
https://www.facebook.com/Malayalivartha