ഷാരുഖ് ഖാന് ഡോക്ടറേറ്റ് പദവി നല്‍കുന്നത് കേന്ദ്ര സര്‍ക്കാര്‍ നിരോധിച്ചു; കാരണം വിചിത്രം
ബോളിവുഡ് കിങ് ഷാരുഖ് ഖാന് ഡോക്ടറേറ്റ് നല്‍കാനുള്ള ജാമിയ മിലിയ ഇസ്ലാമിയ സര്‍വകലാശാലയുടെ തീരുമാനം കേന്ദ്രം തള്ളി. ഷാരുഖിന് നിലവില്‍ മറ്റ് സര്‍വ്വകലാശാലയുടെ ഡോക്ടറേറ്റ് ലഭിച്ചിട്ടുണ്ടെന്നാണ് കേന്ദ്രം ഇതിന് ന്യായമായി പറയുന്നതെങ്കിലും ഇങ്ങനെയൊരു നിയമം നിലവിലില്ല.
മൗലാന ആസാദ് ദേശീയ ഉര്‍ദു സര്‍വകലാശാലയില്‍ നിന്ന് സമാനമായ ഡോക്ടറേറ്റ് ഷാരൂഖിന് കിട്ടിയത് ചൂണ്ടിക്കാണിച്ചാണ് കേന്ദ്ര മാനവവിഭവ ശേഷി മന്ത്രാലയും ശുപാര്‍ശ തളളിയത്. എന്നാല്‍ നിലവില്‍ ഡോക്ടറേറ്റ് കിട്ടിയാല്‍ മറ്റൊരു സര്‍വകലാശാലയില്‍ നിന്ന് ഡോക്ടറേറ്റ് സ്വീകരിക്കുന്നതില്‍ ഔദ്യോഗികമായി തടസ്സങ്ങളൊന്നും ഇല്ല. കഴിഞ്ഞ ഫെബ്രുവരിയിലാണ് ജാമിയ അപേക്ഷ നല്‍കിയതെങ്കിലും മൂന്ന് മാസം മുമ്പാണ് കേന്ദ്രം അപേക്ഷ തളളിയത്. ഇത് പോലെ ഡോക്ടറേറ്റ് നല്‍കുന്നതില്‍ യുജിസി ഇത് വരെ നിയമമൊന്നും പുറപ്പെടുവിച്ചിട്ടില്ലെന്ന് ഉന്നത വിദ്യാഭ്യാസ സെക്രട്ടറി ആര്‍ സുബ്രഹ്മണ്യം പറഞ്ഞു. എന്നാല്‍ മുമ്പ് പല പ്രശസ്തരായ വ്യക്തികള്‍ക്കും വ്യത്യസ്ഥ സര്‍വകലാശാലകള്‍ ഡോക്ടറേറ്റ് നല്‍കിയത് ചൂണ്ടിക്കാണിച്ചപ്പോള്‍ അദ്ദേഹം വ്യക്തമായ മറുപടി നല്‍കയില്ല.
സര്‍വകലാശാലകള്‍ ചെയ്യുന്നത് പരസ്പരം അറിയാത്തത് കൊണ്ടായിരിക്കുമെന്നായിരുന്നു സുബ്രഹ്മണ്യത്തിന്റെ മറുപടി. 2016ല്‍ മൗലാന ആസാദ് നാഷണല്‍ ഉര്‍ദു സര്‍വകലാശാല ഹോണററി ഡിഗ്രി നല്‍കി ഷാരൂഖിനെ ആദരിച്ചിരുന്നു. ഇതാണ് സര്‍ക്കാര്‍ ഡോക്ടറേറ്റ് നിഷേധിക്കാന്‍ ചൂണ്ടിക്കാണിച്ചത്.
കഴിഞ്ഞ വര്‍ഷം അവസാനമാണ് ജാമിഅ മില്ലിയ സര്‍വകലാശാല ഷാരൂഖിന് ഹോണററി ഡോക്ടറേറ്റ് നല്‍കണമെന്ന് നിര്‍ദേശിച്ചത്. ജാമിഅ മില്ലിയയിലെ മാസ് കമ്യൂണിക്കേഷന്‍ റിസര്‍ച്ച് സെന്ററിലെ പൂര്‍വ വിദ്യാര്‍ഥിയാണ് അദ്ദേഹം. എന്നാല്‍ ഹാജര്‍ നില കുറവായതിനാല്‍ പരീക്ഷ എഴുതാനായിരുന്നില്ല.
https://www.facebook.com/Malayalivartha
