കോ​ൺ​ഗ്ര​സ് അ​ധ്യ​ക്ഷ​ൻ രാ​ഹു​ല്‍​ഗാ​ന്ധി വയനാട്ടില്‍ മത്സരിക്കുന്ന കാര്യത്തില്‍ അനിശ്ചിതത്വം തുടരുന്ന സാഹചര്യത്തില്‍ പ്രതികരണവുമായി മുതിര്‍ന്ന കോണ്‍ഗ്രസ് നേതാവ് മല്ലികാര്‍ജുന്‍ ഖാര്‍ഗെ രംഗത്തെത്തിയിരിക്കുകയാണ്.

വ​യ​നാ​ട്ടി​ലെ സ്ഥാ​നാ​ർ​ഥി​ത്വം സം​ബ​ന്ധി​ച്ച തീ​രു​മാ​നം രാ​ഹു​ലി​ന് മാത്രമാണ് അ​റി​യാ​വുന്നതെന്ന് മ​ല്ലി​കാ​ർ​ജു​ൻ ഖാ​ർ​ഗെ പ്രതികരിച്ചു. രാ​ഹു​ൽ ദ​ക്ഷി​ണേ​ന്ത്യ​യി​ൽ മ​ത്സ​രി​ക്ക​ണ​മെ​ന്ന് ജ​ന​ങ്ങ​ൾ ആ​ഗ്ര​ഹി​ക്കു​ന്നു​ണ്ട്. എ​ന്നാ​ൽ അ​ന്തി​മ തീ​രു​മാ​നം രാ​ഹു​ലി​ന്‍റേ​താ​യി​രി​ക്കുമെന്നും ഖാര്‍ഗെ പറയുന്നു. ഇപ്പോൾ ചർച്ച ചെയ്യപെടുന്നത് ജനങ്ങളുടെ ആവശ്യം മാത്രമാണെന്നാണ് എഐസിസി നിലപാട്. വിഷയത്തില്‍ രാഹുൽ ഉടൻ തീരുമാനമെടുക്കുമെന്നും എഐസിസി വിശദമാക്കി.

പ്രിയങ്കയുടെ സ്ഥാനാർത്ഥിത്വം പാർട്ടി ആലോചിച്ച് തീരുമാനിക്കുമെന്നും എഐസിസി കൂട്ടിച്ചേര്‍ത്തു. എൻ ഡി എ യെ താഴെ ഇറക്കാൻ ചെറുപാർട്ടികൾ അനിവാര്യമാണെന്നും കോൺഗ്രസിനെ പിന്തുണക്കണമെന്നും ഒന്നിച്ച് നിൽക്കണമെന്നും ഖാര്‍ഗെ ആവശ്യപ്പെട്ടു.

കര്‍ണാടകത്തിലെ ബിദാര്‍ പരിഗണിച്ചിരുന്നെങ്കിലും അവിടെ സ്ഥാനാര്‍ഥിയാകാൻ സാധ്യതയില്ലെന്ന് കര്‍ണാടകയിലെ പാര്‍ട്ടി നേതാക്കള്‍ പറയുന്നു. കര്‍ണാടകയിലും ആന്ധ്രപ്രദേശിലും തിരഞ്ഞെടുപ്പ് റാലികളിൽ രാഹുൽ പങ്കെടുക്കും . അതേസമയം തെക്കേ ഇന്ത്യയിൽ താൻ സ്ഥാനാര്‍ഥിയാകണമെന്നാവശ്യം ന്യായമാണെന്ന് ഹിന്ദി ദിനപത്രത്തിന് നല്‍കിയ അഭിമുഖത്തിൽ രാഹുൽ പറഞ്ഞിരുന്നു.