വരുന്നു ഛോട്ടാ മോദി; മോദിയുടെ അപരന് ലഖ്നൗവില് രാജ്നാഥ് സിങിനെതിരെ പത്രിക നല്കി
മോദിയുടെ അപരന് ലഖ്നൗവില് രാജ്നാഥ് സിങിനെതിരെ പത്രിക നല്കി. വാരണാസിയിലും മത്സരിക്കും. കേന്ദ്ര ആഭ്യന്തര മന്ത്രി രാജ്നാഥ് സിങ് മത്സരിക്കുന്ന ലഖ്നൗവില് പ്രധാനമന്ത്രി നരേന്ദ്ര മോദിയുമായി രൂപസാദൃശ്യമുള്ള അഭിനന്ദന് പഥക് നാമനിര്ദേശ പത്രിക നല്കി. ഛോട്ടാ മോദി എന്നറിയപ്പെടുന്ന പഥക് നരേന്ദ്ര മോദിക്കെതിരെ വാരണാസിയിലും മത്സരിക്കുന്നുണ്ട്. ലഖ്നൗവില് മെയ് ആറിനും വാരണാസിയില് മെയ് 19-നുമാണ് വോട്ടെടുപ്പ്. ഞാന് ഇവിടെ തന്നെയുണ്ടാകും, ഇവിടെയുള്ള ജനങ്ങളുടെ പ്രശ്നങ്ങള് പാര്ലമെന്റില് അവതരിപ്പിക്കുമെന്നും ലഖ്നൗവില് പത്രിക നല്കിയ ശേഷം അഭിനന്ദന് പഥക് പറഞ്ഞു. നരേന്ദ്ര മോദിയുടെ വേഷത്തെ അനുകരിച്ച് ഹാഫ് സ്ലീവ് ഖാദി കുര്ത്തയാണ് പഥക്കും ധരിച്ചിരുന്നത്.
മോദി എന്ന വ്യക്തി തനിക്ക് പ്രേരകമാണെങ്കിലും അദ്ദേഹത്തിന്റെ സര്ക്കാരില് വിശ്വാസമില്ല. ജനങ്ങള് താത്പര്യങ്ങള് കേള്ക്കാന് മോദി തയ്യാറാകുന്നില്ല. വാഗ്ദാനങ്ങള് നിറവേറ്റുന്നതിലും അദ്ദേഹം വലിയ പരാജയമാണെന്നും പഥക് പറഞ്ഞു. ലഖ്നൗവിലെ മനക് നഗര് സ്വദേശികളാണ് പഥകിന് കെട്ടിവെക്കാനുള്ള പണം പിരിച്ച് നല്കിയത്. 51-കാരനായ ഇയാള് അലഹബാദ് സര്വകലാശാലയില് നിന്ന് ഹിന്ദിയില് ബിരുദം നേടിയിട്ടുണ്ട്. രൂപത്തിലും ഭാവത്തിലും നരേന്ദ്രമോദിയോട് ഏറെ സാദൃശ്യമാണ് പഥക്കിന്. മോദി സ്റ്റൈല് വസ്ത്രധാരണം ഇയാള്ക്ക് കൂടുതല് മോദിയുമായി രൂപസാദൃശ്യമുണ്ടാക്കുന്നു. പ്രധാനമന്ത്രി നരേന്ദ്ര മോദിക്കെതിരെയും പത്രിക സമര്പ്പിക്കാനുള്ള നീക്കത്തിലാണ് പഥക്. ഏപ്രില് 26ന് വരാണസിയില് പത്രിക സമര്പ്പിക്കുമെന്ന് അദ്ദേഹം പറഞ്ഞു. ജനങ്ങളെ സേവിക്കാനും പാര്ലമെന്റില് അവരുടെ പ്രശ്നങ്ങള് സമര്പ്പിക്കാനുമാണ് താന് മത്സരിക്കുന്നതെന്ന് മോദിയുടേത് പോലെ അരക്കയ്യന് കുര്ത്ത ധരിച്ച പഥക് പ്രതികരിച്ചു. മന് കിബാത്തില് സംസാരിക്കുന്ന പ്രധാനമന്ത്രി മമന് കിബാത്ത് കേള്ക്കുന്നില്ല. വാഗ്ദാനങ്ങള് പാലിക്കുന്നതില് മോദി പരാജയപ്പെട്ടെന്നും അദ്ദേഹം കൂട്ടിച്ചേര്ത്തു. കെട്ടി വെക്കാനുള്ള തുക നല്കി സഹായിച്ച ജനങ്ങള്ക്ക് ഛോട്ടാ മോദി നന്ദി അറിയിച്ചു.
https://www.facebook.com/Malayalivartha