തെരഞ്ഞെടുപ്പ് കമ്മീഷന് പ്രധാനമന്ത്രി നരേന്ദ്ര മോദിയുടെ നിര്ദേശങ്ങള് അനുസരിച്ചാണ് പ്രവര്ത്തിക്കുന്നതെന്ന്ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു
തെരഞ്ഞെടുപ്പ് കമ്മീഷന് പ്രധാനമന്ത്രി നരേന്ദ്ര മോദിയുടെയും കേന്ദ്ര സര്ക്കാരിന്റെയും നിര്ദേശങ്ങള് അനുസരിച്ച് പ്രവര്ത്തിക്കുന്നുവെന്ന് ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു. തെരഞ്ഞെടുപ്പ് കമ്മീഷന് സ്വയം ഭരണാധികാരമുള്ള സ്ഥാപനമാണ്. എന്നാല് അവര് തങ്ങളുമായി സഹകരിക്കുന്നില്ലെന്നും അദ്ദേഹം പറഞ്ഞു. ഡല്ഹിയിലെത്തി തെരഞ്ഞെടുപ്പ് കമ്മീഷന് ഉദ്യോഗസ്ഥരുമായി കൂടിക്കാഴ്ച നടത്തിയ ശേഷമായിരുന്നു അദ്ദേഹത്തിന്റെ പ്രതികരണം.
വോട്ടെടുപ്പിനിടെ വലിയ പ്രതിസന്ധിയാണ് ആന്ധ്രയില് നേരിട്ടത്. 4,583 വോട്ടിംഗ് യന്ത്രങ്ങള് തകരാറിലായി. ആന്ധ്രയില് റിപോളിംഗ് വേണമെന്നും ചന്ദ്രബാബു നായിഡു തെരഞ്ഞെടുപ്പ് കമ്മീഷനോട് ആവശ്യപ്പെട്ടു. ഏപ്രില് 11നാണ് ആന്ധ്രയില് 25 ലോക്സഭ മണ്ഡലങ്ങളിലേക്കും 175 നിയമസഭ സീറ്റിലേക്കും വോട്ടെടുപ്പ് നടന്നത്.
https://www.facebook.com/Malayalivartha