ലോക്‌സഭ തെരഞ്ഞെടുപ്പ് കാലത്ത് ഏറ്റവും കൂടുതല്‍പ്പേര്‍ തിരഞ്ഞത് പ്രധാനമന്ത്രി നരേന്ദ്ര മോദിയെ.  യാഹൂ പുറത്തുവിട്ട യാഹൂ സെര്‍ച്ചിംഗ് ട്രെന്റിംഗ് കണക്കുകള്‍ പ്രകാരമാണ് ലോക്‌സഭ തെരഞ്ഞെടുപ്പ് കാലത്ത് ഏറ്റവും കൂടുതല്‍പ്പേര്‍ തിരഞ്ഞത് പ്രധാനമന്ത്രി നരേന്ദ്ര മോദിയെ ആണ് എന്ന കണക്കു വിവരം പുറത്തുവന്നത്. കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി, പശ്ചിമ ബംഗാള്‍ മുഖ്യമന്ത്രി മമത ബാനര്‍ജി എന്നിവരാണ് രണ്ടും മൂന്നും സ്ഥാനങ്ങളിലും കോണ്‍ഗ്രസ് പ്രസിഡന്റ് രാഹുല്‍ ഗാന്ധിയാണ് നാലാം സ്ഥാനത്തുമാണ്.

കഴിഞ്ഞ ദിവസമാണ് യാഹൂ ഇന്ത്യ സേര്‍ച്ചിങ് ട്രന്റിംഗ് കണക്കുകള്‍ പുറത്തുവിട്ടത്. പട്ടികയിലെ ആദ്യ അഞ്ചു സ്ഥാനങ്ങളില്‍ മുന്‍ ക്രിക്കറ്റ് താരവും രാഷ്ട്രീയ നേതാവുകമായ സിദ്ധുവും ഇടം നേടി. അന്തരിച്ച മുന്‍ പ്രതിരോധ മന്ത്രി മനോഹര്‍ പരീക്കര്‍, പ്രിയങ്ക ചതുര്‍വേദി, സിപിഐ പ്രതിനിധി കനയ്യ കുമാര്‍ എന്നിവരും സേര്‍ച്ചിങ് ട്രന്റ് പട്ടികയിലുണ്ട്.

അടുത്തിടെ രാഷ്ട്രീയത്തിലേക്ക് പ്രവേശിച്ച ക്രിക്കറ്റ് താരം ഗൗതം ഗംഭീര്‍, നടി ഊര്‍മിള എന്നിവരും സേര്‍ച്ചിങ് ലിസ്റ്റില്‍ മുന്നില്‍ നില്‍ക്കുന്നു. 2019 ലെ പൊതു തിരഞ്ഞെടുപ്പ് കേന്ദ്രീകരിച്ചാണ് യാഹൂ ഇന്ത്യയുടെ സേര്‍ച്ചിങ് കണക്കുകള്‍ ക്രമീകരിച്ചിരിക്കുന്നത്.