ബിജെപിക്കു സീറ്റെണ്ണത്തില്‍ 2014 ആവര്‍ത്തിക്കാനാവില്ലെന്ന സൂചനയുമായി ധനമന്ത്രി അരുണ്‍ ജയ്റ്റ്ലി. തന്റെ ക്ഷണം സ്വീകരിച്ചെത്തിയ ഡല്‍ഹിയിലെ വിവിധ ക്രൈസ്തവ സഭാ നേതാക്കളുമായി നടത്തിയ ചര്‍ച്ചയിലാണു ജയ്റ്റ്‌ലി ബിജെപിക്കു സീറ്റെണ്ണത്തില്‍ 2014 ആവര്‍ത്തിക്കാനാവില്ലെന്നു സൂചിപ്പിച്ചത്. എന്നാല്‍, ബിജെപിക്കു മറ്റു ചില കക്ഷികളുടെ സഹായത്തോടെ സര്‍ക്കാരുണ്ടാക്കാന്‍ സാധിക്കുമെന്ന് അദ്ദേഹം വ്യക്തമാക്കി.

മാര്‍ത്തോമ്മാ സഭ, മലങ്കര സഭ, സാല്‍വേഷന്‍ ആര്‍മി, ലൂഥറന്‍ സഭ, ചര്‍ച്ച്എ ഓഫ് നോര്‍ത്ത് ഇന്ത്യ എന്നിവയുടെ ഡല്‍ഹിയിലെ അധ്യക്ഷന്‍മാരാണു ജയ്റ്റ്‌ലിയുടെ ക്ഷണം സ്വീകരിച്ചു പങ്കെടുത്തത്. കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യയുടെ(സിബിസിഐ) സ്ഥിരം സമിതികളുടെ യോഗം ബെംഗളൂരൂവില്‍ നടക്കുകയാണ്. അതിനാല്‍ സിബിസിഐയുടെയും ഡല്‍ഹി കത്തോലിക്കാ അതിരൂപതയുടെയും നേതാക്കള്‍ക്കു പങ്കെടുക്കാനായില്ല. ഫരീദാബാദ് കത്തോലിക്കാ രൂപതാധ്യക്ഷനും സ്ഥലത്തില്ലായിരുന്നു ഓര്‍ത്തഡോക്‌സ്, യാക്കോബായ ഭദ്രാസന മേധാവികളും കൂടിക്കാഴ്ചയ്ക്ക് എത്തിയില്ല. ഡല്‍ഹിയില്‍ ഈ മാസം 12നും പഞ്ചാബില്‍ 19നുമാണ് വോട്ടെടുപ്പ്.