നാവികസേനയുടെ കപ്പല്‍ വിനോദ സഞ്ചാരത്തിനായി രാജീവ് ഗാന്ധി ഉപയോഗിച്ചു എന്ന പ്രധാനമന്ത്രി നരേന്ദ്രമോദിയുടെ ആരോപണത്തിന് കോണ്‍ഗ്രസിന്റെ മറുപടി.രാജീവ് ഗാന്ധി നാവിക സേനയുടെ കപ്പലില്‍ തിരുവനന്തപുരത്ത് നിന്നും ലക്ഷ്വദീപിലേക്ക് ഔദ്യോഗിക അവശ്യങ്ങള്‍ക്കായാണ് പോയത്. വിദേശികള്‍ ആരും തന്നെ അന്ന് അദ്ദേഹത്തിന്‍റെ കൂടെ ഇല്ലായിരുന്നുവെന്നു കോണ്‍ഗ്രസ് വക്താവ് മനു അഭിഷേക് സിംഗ്‍വി ഡല്‍ഹിയില്‍ പറഞ്ഞു.

നിരന്തരം കള്ളം പറയുന്ന ഒരാളായി പ്രധാനമന്ത്രി മാറിയിരിക്കുന്നു. രാജ്യം ഇപ്പോള്‍ നേരിട്ടു കൊണ്ടിരിക്കുന്ന യഥാര്‍ത്ഥ പ്രശ്നങ്ങള്‍ മറച്ചു പിടിക്കാന്‍ വര്‍ഷങ്ങള്‍ക്ക് മുമ്ബ് നടന്ന കാര്യങ്ങളെ മോദി വളച്ചൊടിക്കുന്നുവെന്നും വ്യാജ പ്രചാരണങ്ങള്‍ക്കെതിരെ തെരെഞ്ഞെടുപ്പ് കമ്മീഷനെ സമീപിക്കുമെന്നും മനു അഭിഷേക് സിംഗ്‍വി വ്യക്തമാക്കി.