സര്‍വീസ് റിവോള്‍വറില്‍ നിന്ന് അബദ്ധത്തില്‍ വെടിപൊട്ടി സിആര്‍പിഎഫ് ജവാന് ദാരുണാന്ത്യം. ഛത്തീസ്ഗഡിലെ സുക്മയിലെ തമല്‍വാഡ ക്യാമ്പിലായിരുന്നു സംഭവം. ഹെഡ്‌കോണ്‍സ്റ്റബിള്‍ അരവിന്ദ് കുമാര്‍ പാണ്ഡെയാണ് മരിച്ചത്. വായിലൂടെ കടന്ന ബുള്ളറ്റ് തലയോട്ടി പിളര്‍ന്ന് പുറത്തുവന്നു. സംഭവസ്ഥലത്തുതന്നെ അരവിന്ദ് മരിച്ചു.
ബിഹാര്‍ ചമ്പാരന്‍ സ്വദേശിയാണ് അരവിന്ദ്. മൃതദേഹം സുക്മയില്‍നിന്ന് റായ്പുരിലേക്കു കൊണ്ടുവന്നു.