ജമ്മുകശ്​മീരിലെ പുൽവാമയിൽ വീട്ടിൽ അതിക്രമിച്ചു കയറിയ തീവ്രവാദികളുടെ വെടിയേറ്റ്​ സ്​ത്രീ മരിച്ചു. വീട്ടമ്മയായ നിഗീന ബാനുവാണ്​ മരിച്ചത്​. വെടിവെപ്പിൽ ഒരാൾക്ക്​ പരിക്കേറ്റു.

ബുധനാഴ്​ച പുലർച്ചെയായിരുന്നു സംഭവം​. തീവ്രവാദികൾ വീട്ടിനകത്തേക്ക്​ കടക്കുന്നത്​ ചെറുത്ത വീട്ടമ്മക്ക്​ നേരെ വെടിയുതിർക്കുകയായിരുന്നു. സംഭവസ്ഥല​​ത്തെത്തിയ മുഹമ്മദ്​ സുൽത്താൽ എന്നയാൾക്കും വെടിയേറ്റു. ഇയാളെ പരിക്കുകളോടെ ആശുപത്രിയിൽ പ്രവേശിപ്പിച്ചു.

സംഭവത്തെ തുടർന്ന്​ പ്രദേശം പൊലീസും സൈന്യവും ചേർന്ന്​ വളഞ്ഞു. തീവ്രവാദികൾക്കായുള്ള തെരച്ചിൽ തുടരുകയാണ്​.