ഉത്തരംമുട്ടി രാഹുല്... ഇലക്ട്രോണിക് വോട്ടിങ് യന്ത്രങ്ങളുടെ വിശ്വാസ്യതയും ബി.ജെ.പി.യുടെ വന്വിജയവും ചോദ്യം ചെയ്ത കോണ്ഗ്രസിന് നരേന്ദ്ര മോദിയില് നിന്നും കിട്ടിയത് ഒരിക്കലും പ്രതീക്ഷിക്കാത്ത ആക്രമണം
ഇലക്ട്രോണിക് വോട്ടിങ് യന്ത്രങ്ങളുടെ വിശ്വാസ്യതയും ബി.ജെ.പി.യുടെ വന്വിജയവും ചോദ്യം ചെയ്യുന്ന കോണ്ഗ്രസിന്റെ നടപടികള്ക്കെതിരെ ആഞ്ഞടിച്ച് പ്രധാനമന്ത്രി നരേന്ദ്രമോദി. അതിന് കൂട്ടുപിടിച്ചതോ കേരളത്തേയും. പാര്ലമെന്റില് തുടര്ച്ചയായി രണ്ടാം ദിനവും കോണ്ഗ്രസിനെതിരേ ആഞ്ഞടിക്കുകയായിരുന്നു നരേന്ദ്രമോദി. കോണ്ഗ്രസിന്റെ വ്യാജ പ്രചരണത്തിലൂടെ ലോകത്തെ ഏറ്റവും വലിയ ജനാധിപത്യപ്രക്രിയയെ കോണ്ഗ്രസ് അപമാനിക്കുകയാണെന്ന് പ്രധാനമന്ത്രി കുറ്റപ്പെടുത്തി.
ബി.ജെ.പി.യും സഖ്യകക്ഷികളും ജയിച്ചപ്പോള് രാജ്യവും ജനാധിപത്യവും തോറ്റെന്ന് ചില നേതാക്കള് പറയുന്നു. ഇത്തരം പ്രസ്താവനകള് നിര്ഭാഗ്യകരമാണ്. വയനാട്ടിലും റായ്ബറേലിയിലും ബെറാംപുരിലും തിരുവനന്തപുരത്തും ഇന്ത്യ തോറ്റോ?. അമേഠിയില് ഇന്ത്യ തോറ്റോ?. ഇത് ധാര്ഷ്ട്യവും ജനവിധിക്കെതിരായ ഭാഷ ഇന്ത്യയിലെ ജനങ്ങളെ അപമാനിക്കലുമാണ്. രാഷ്ട്രീയ സുസ്ഥിരത ആഗ്രഹിച്ച ജനങ്ങള് വിവേകത്തോടെയാണ് തിരഞ്ഞെടുപ്പില് സമ്മതിദാനാവകാശം വിനിയോഗിച്ചതെന്നും പ്രധാനമന്ത്രി പറഞ്ഞു.
'കോണ്ഗ്രസ് ജയിച്ചില്ലെങ്കില് ഇന്ത്യ ജയിക്കില്ലെന്നു തോന്നുന്നുണ്ടോ. ഇന്ത്യയും കോണ്ഗ്രസും ഒന്നാണോ. അവര് തിരഞ്ഞെടുപ്പുസംവിധാനത്തെ മാനിക്കാന് പഠിക്കണം. 17 സംസ്ഥാനങ്ങളില് ഒരു സീറ്റുപോലും നേടാന് കോണ്ഗ്രസിനായില്ല. അതിനാലവര് ആത്മപരിശോധന നടത്തി തോല്വി അംഗീകരിക്കണം. അവര്ക്കിപ്പോഴും നമ്മുടെ വിജയം ദഹിച്ചിട്ടില്ല. പരാജയം ഉള്ക്കൊള്ളാനുമാവുന്നില്ല. ഇത് ആരോഗ്യകരമായ ജനാധിപത്യത്തിന് ചേര്ന്നതല്ല. മാധ്യമങ്ങളെ വിലയ്ക്കെടുത്താണ് ബി.ജെ.പി. വിജയിച്ചതെന്നാണ് മറ്റൊരാരോപണം. തമിഴ്നാടിനും കേരളത്തിനും ഇതു ബാധകമാണോയെന്നും പ്രധാനമന്ത്രി ചോദിച്ചു.
ഇലക്ട്രോണിക് വോട്ടിങ് യന്ത്രങ്ങള്ക്കെതിരേയുള്ള പ്രതിപക്ഷപാര്ട്ടികളുടെ പ്രചാരണത്തെയും പ്രധാനമന്ത്രി വിമര്ശിച്ചു. 'ബി.ജെ.പി.ക്ക് രണ്ടംഗങ്ങള് മാത്രമാണ് 1980ല് പാര്ലമെന്റില് ഉണ്ടായിരുന്നത്. അന്ന് സഭയില് ഞങ്ങള് പരിഹസിക്കപ്പെട്ടു. എന്നിട്ടും കഠിനാധ്വാനത്തിലൂടെ ജനങ്ങളുടെ വിശ്വാസം നേടി. പോളിങ് ബൂത്തിനെ വിമര്ശിക്കാന് നിന്നില്ല. പ്രതിപക്ഷം എന്നതിനര്ഥം എതിര്ക്കല് മാത്രം എന്നല്ല. തിരഞ്ഞെടുപ്പുപ്രക്രിയ കൂടുതല് പരിഷ്കരിക്കേണ്ടതിനെക്കുറിച്ചാണ് നമ്മളിപ്പോള് ആലോചിക്കേണ്ടതെന്നുംപ്രധാനമന്ത്രി പറഞ്ഞു.
ജാര്ഖണ്ഡില് ആള്ക്കൂട്ടം മുസ്!ലിം യുവാവിനെ തല്ലിക്കൊന്നുവെന്ന വാര്ത്ത തന്നെ വേദനിപ്പിച്ചെന്ന് നരേന്ദ്രമോദി. എന്നാല്, അതിന്റെ പേരില് ഒരു സംസ്ഥാനത്തെ മുഴുവന് അവഹേളിക്കരുത്. രാജ്യസഭയിലെ ചിലര് ജാര്ഖണ്ഡ് സംസ്ഥാനം ആള്ക്കൂട്ടക്കൊലപാതകത്തിന്റെ കേന്ദ്രമെന്നാണ് പറയുന്നത്. ഒരു സംസ്ഥാനത്തെ മുഴുവന് ഇങ്ങനെ അപമാനിക്കരുത്. അവിടെ എത്രയോ നല്ല മനുഷ്യരുണ്ടെന്നറിയുക. ജാര്ഖണ്ഡിലായാലും പശ്ചിമബംഗാളിലായാലും കേരളത്തിലായാലും അക്രമത്തെ ഒരേ രീതിയിലാണ് കാണേണ്ടത്. അക്രമികളെ പാഠം പഠിപ്പിക്കണം. ഇക്കാര്യത്തില് രാജ്യം ഒറ്റക്കെട്ടാണെന്ന് അവരെ അറിയിക്കണം മോദി പറഞ്ഞു.
https://www.facebook.com/Malayalivartha