ഡിജിപി സ്ഥാനത്തു നിന്നു മാറ്റിയ പിണറായി സർക്കാറിന്റെ നടപടിക്കെതിരെ നിയമയുദ്ധം നടത്തി തിരികെ സ്ഥാനം പിടിച്ച ടി പി സെൻകുമർ ഇനി അഡ്വ. സെൻകുമാർ.... മുന്‍ ഡിജിപി ടി.പി.സെന്‍കുമാര്‍ അഭിഭാഷകനായി എന്‍ റോള്‍ ചെയ്തു. ഹൈക്കോടതിയില്‍ നടന്ന ചടങ്ങിലാണ് സെന്‍കുമാര്‍ അഭിഭാഷകനായി എന്റോള്‍ ചെയ്തത്. 270 പേരുടെ പുതിയ ബാച്ചില്‍ എണ്‍പത്തിയൊന്നാമനായാണ് സെന്‍കുമാര്‍ എന്‍ റോള്‍ ചെയ്തത്. ഹൈക്കോടതി ജസ്റ്റിസ് പി.ഉബൈദ് ഉള്‍പ്പെടെയുള്ളവരുടെ സാന്നിദ്ധ്യത്തിലായിരുന്നു ചടങ്ങ്. ബാർ കൗൺസിൽ ചെയർമാൻ ചൊല്ലിക്കൊടുത്ത സത്യവാചകം എറ്റു ചൊല്ലിയാണ് സെൻകുമാർ വക്കീലായത്

തന്റെ പൊതുപ്രവര്‍ത്തന ജീവിതത്തിന് അഭിഭാഷകവൃത്തി അത്യാവശ്യമാണെന്ന് അദേഹം മാധ്യമങ്ങളോട് പറഞ്ഞു. പിണറായി സര്‍ക്കാരിനെതിരെ കേസ് ജയിച്ചാണ് അദേഹം പോലീസ് മേധാവിയായി തിരികെ എത്തിയത്.

94 ല്‍ തന്നെ തിരുവന്തപുരം ലോ കോളജില്‍ നിന്നും സെന്‍കുമാര്‍ നിയമ പഠനം പൂര്‍ത്തിയാക്കിയിരുന്നു. ഗവര്‍ണറുടെ എഡിസിയായി ജോലി നോക്കുന്നതിനിടെയായിരുന്നു ഇത്. എന്നാല്‍ അഭിഭാഷകനായി എന്റോള്‍ ചെയ്തിരുന്നില്ല. സർക്കാരിനെതിരെ സുപ്രീംകോടതി വരെ കേസ് നടത്തി വിജയിച്ച് ചരിത്രമുള്ള സെൻകുമാറിന് നിയമ പോരാട്ടം പുത്തരിയല്ല

ഐപിഎസ് കാലം കഴിഞ്ഞും ജീവിക്കാനായി നേരത്തെ കണ്ടു വച്ച മാർഗ്ഗമാണ് അഭിഭാഷകവൃത്തി എന്നാണു സെൻകുമാർ പറഞ്ഞത് . എന്നാല്‍ സ്വന്തം കേസുകള്‍ കോടതിയില്‍ വാദിക്കുന്ന കാര്യം ഇപ്പോള്‍ തീരുമാനിച്ചിട്ടില്ലെന്നാണ് സെന്‍കുമാര്‍ പറയുന്നത്.
ഇതിനിടെ വക്കീല്‍ കുപ്പായമണിയാതെ തന്നെ ഹൈക്കോടതിയില്‍ ഒരിക്കല്‍ വാദിക്കുകയും ചെയ്തിട്ടുണ്ട്. ട്രാന്‍സ്‌പോര്‍ട്ട് കമ്മീഷണറായിരിക്കെയാണ് സെന്‍കുമാര്‍ ഹൈക്കോടതിയില്‍ കേസ് വാദിച്ചത്.

സാമ്പത്തികശാസ്ത്രത്തിൽ ബിരുദാനന്തര ബിരുദം നേടിയ സെൻകുമാർ ഇന്ത്യൻ എക്കണോമിക്സ് സർവീസിൽ നിന്നും ആണ് 1983-ൽ ഇന്ത്യൻ പോലീസ് സർവീസിൽ എത്തിയത് . ലിസ് സാമ്പത്തികത്തട്ടിപ്പിനെതിരെ നടപടി സ്വീകരിച്ച് ശ്രദ്ധേയനായിരുന്നു.

2006-ൽ കെ.എസ്.ആർ.ടി.സി. എം.ഡി. ആയി നിയമിതനായി. 2010-ൽ കേരള ട്രാൻസ്പോർട്ട് കമ്മിഷണർ ആയിരുന്നു. കേരള പോലീസിന്റെ രഹസ്യാന്യോഷണ വിഭാഗത്തിന്റെ എ. ഡി. ജി. പി ആയി അദ്ദേഹം സേവനം അനുഷ് ഠിച്ചിട്ടുണ്ട്. ടി. പി ചന്ദ്രശേഖരൻ വധക്കേസിലെ പ്രതികളുടെ വിവാദമായ ഫേസ്ബുക്ക്‌ ഉപയോഗത്തെ അനുകൂലിച്ചു ജയിൽ ഡി.ജി.പി അലക്സാണ്ടർ ജേക്കബ് വിവാദ പരാമർശം നടത്തിയതിനോടനുബന്ധിച്ചു അലക്സാണ്ടർ ജേക്കബിനെ തൽസ്ഥാനത്തു മാറ്റിയിരുന്നു .. 2013 ഡിസംബർ ആറാം തിയതി ടി.പി. സെൻകുമാറിനു ഈ വകുപ്പിന്റെ അധിക ചുമതല ലഭിച്ചു

ജൂൺ 2015 മുതൽ കേരള പോലീസ് ചീഫ് ആയി പ്രവർത്തിച്ചിരുന്നു .009 -ൽ രാജ്യത്തിന്റെ പരമോന്നത പോലീസ് ബഹുമതി ആയ പോലീസ് മെഡൽ ഇന്ത്യൻ രാഷ്‌ട്രപതിയിൽ നിന്ന് ഏറ്റുവാങ്ങിയിരുന്നു