കടം തീർക്കാൻ അമ്മ കണ്ടെത്തിയ വഴി ഞെട്ടിക്കുന്നത് ; സ്വന്തം മകളോട് ചെയ്തത് ക്രൂരത ; സംഭവം ഇങ്ങനെ
മനുഷ്യക്കടത്തുകാരുടെ കൈയിൽ നിന്നും രക്ഷപ്പെട്ട 15കാരി തന്നെ അവർക്ക് വിറ്റത് ആരെന്ന് പറഞ്ഞപ്പോൾ പോലീസ് ഞെട്ടി. സ്വന്തം അമ്മയാണ് മകളെ വിറ്റത്. ഏറെ കടം ഉള്ളതിനാൽ അത് വീട്ടാനാണ് മാതാവ് തന്നെ വിറ്റതെന്ന് പെണ്കുട്ടി പോലീസിനോട് വെളിപ്പെടുത്തി. അവരിൽ നിന്നും രക്ഷപ്പെട്ട പെൺകുട്ടി വനിതാ കമ്മീഷനിലും പോലീസിലും സംരക്ഷണം തേടി. പെണ്കുട്ടിയെ ഷെല്ട്ടര്ഹോമിലേക്ക് മാറ്റി. ഒരു വയസുള്ള സഹോദരനെയും മാതാവ് ഇത്തരത്തില് വിറ്റതായി പെണ്കുട്ടി പറഞ്ഞു.
ഡല്ഹിയിലെ ഭവാനയില് കഴിഞ്ഞ ആഴ്ചയായിരുന്നു സംഭവം നടന്നത്. അമ്മയുടെ നിർദേശ പ്രകാരം ബദര്പൂരിലെ സഹോദരിയുടെ വീട്ടിലേക്ക് പെണ്കുട്ടി പോകുകയായിരുന്നു. പക്ഷേ നിസാമുദ്ദീനിലെ ഒരു ഹോട്ടലിലേക്കായിരുന്നു പെണ്കുട്ടിയെ അവർ കൊണ്ടുപോയത്. തന്നോട് അവിടെ ഇരിക്കുകയെന്നും മറ്റൊരാൾ വന്ന് വീട്ടിലേക്ക് കൊണ്ടുപോകും എന്ന് പറഞ്ഞ ശേഷം അമ്മ പോയി. മറ്റൊരാൾ അവിടെ വരികയും പെണ്കുട്ടിയെ വേറൊരു വീട്ടിലേക്ക് കൊണ്ട് പോകുകയും ചെയ്തു. അവിടെ സ്ത്രീകള് ഉണ്ടായിരുന്നു . അവർ പെണ്കുട്ടിയോട് വിവാഹവസ്ത്രം അണിഞ്ഞു ഒരുങ്ങി നില്ക്കാൻ ആവശ്യപ്പെടുകയായിരുന്നു . ഒരു ലക്ഷം രൂപക്കായിരുന്നു പെണ്കുട്ടിയെ വിറ്റതെന്ന കാര്യം ഇവർ വഴിയാണ് കുട്ടി അറിഞ്ഞത്.
എന്നാൽ ഇവരുടെ അടുക്കൽ നിന്നും പെണ്കുട്ടി രക്ഷപ്പെട്ടു. നാട്ടിലെത്തി അയല്ക്കാരോട് കാര്യങ്ങൾ പറയുകയും സഹായം അഭ്യർത്ഥിക്കുകയും ചെയ്തു. ഇവര് പെണ്കുട്ടിയുടെ വിവരങ്ങൾ വനിത കമ്മീഷനിലും പോലീസിലും അറിയിക്കുകയായിരുന്നു. നാല് സഹോദരങ്ങള് കുട്ടിക്കുണ്ട് . അമ്മയ്ക്കും രണ്ടാനച്ഛനും സഹോദരങ്ങൾക്കൊപ്പമാണ് പെണ്കുട്ടി താമസിച്ചിരുന്നത്. ഒരുപാട് കടം അടച്ചു തീർക്കാൻ ഉള്ളതിനാലാണ് മാതാവ് തന്നെ വിറ്റതെന്ന് പെണ്കുട്ടി പോലീസിനോട് പറയുകയുണ്ടായി.
https://www.facebook.com/Malayalivartha