മാതാപിതാക്കളെ അധിക്ഷേപിച്ച റിക്ഷാക്കാരനെ മകന്‍ കുത്തി കൊലപ്പെടുത്തി. ഡല്‍ഹിയിലെ മുണ്ട്കയിലെ സ്വര്‍ണാ പാര്‍ക്കിലാണ് സംഭവം നടന്നത്. മാതാപിതാക്കളെ തന്റെ മുന്നില്‍ വച്ച് കനയ്യ അധിക്ഷേപിച്ചതില്‍ പ്രകോപിതനായ നീരജ് എന്ന യുവാവ് റിക്ഷാക്കാരനുമായി വാക്ക് തര്‍ക്കത്തിലേര്‍പ്പെട്ടു.

തുടര്‍ന്ന് വാക്ക് തര്‍ക്കം കൊലപാതകത്തില്‍ കലാശിക്കുകയായിരുന്നു. കനയ്യയെ സഞ്ജയ് ഗാന്ധി ആശുപത്രിയില്‍ പ്രവേശിപ്പിച്ചുവെങ്കിലും ജീവന്‍ രക്ഷിക്കാന്‍ സാധിച്ചില്ല. സംഭവത്തില്‍ നീരജിനെ അറസ്റ്റ് ചെയ്തതായി പൊലീസ് അറിയിച്ചു.