എയർ ഇന്ത്യയ്ക്ക് യാത്രയയപ്പ് നൽകാൻ ഒരുങ്ങി സർക്കാർ ....!
എയര്ഇന്ത്യ വില്ക്കുന്നതിനുളള ശ്രമങ്ങള് കേന്ദ്ര സര്ക്കാറിന്റെ വക തകൃതിയായി നടക്കുകയാണ് . എയര്ഇന്ത്യ വാങ്ങുന്നതിന് താല്പര്യം കാണിക്കുന്ന സാമ്പത്തിക ശേഷിയുളളവരുമായി ചര്ച്ചകള് ആരംഭിച്ചതായാണ് കേന്ദ്ര വ്യോമയാന മന്ത്രി വ്യക്തമാകുന്നത്. എയര്ഇന്ത്യ വില്ക്കുന്നതിന് ഇത് രണ്ടാം തവണയാണ് കേന്ദ്രം ശ്രമിക്കുന്നത്. ഇതിന്റെ ഭാഗമായി വിദേശ രാജ്യങ്ങളില് റോഡ് ഷോയടക്കം സംഘടിപ്പിച്ചിരുന്നു എന്നതും ശ്രദ്ദേയമാണ്.
ചർച്ചകളുമായി രംഗത്ത് എത്തിയിരിക്കുന്നത് എയര്ഇന്ത്യ എംഡി, വ്യോമയാന സെക്രട്ടറി എന്നിവരാണ്. അധികം വൈകാതെ എയര്ഇന്ത്യ വില്ക്കുന്നതിന് സാധിക്കുമെന്ന് തന്നെയാണ് കേന്ദ്ര വ്യോമയാനമന്ത്രി ഹര്ദീപ്സിങ് പുരി വ്യക്തമാക്കുന്നത്. നേരിട്ടുളള വിദേശ നിക്ഷേപവുമായി ബന്ധപ്പെട്ട നിയമങ്ങള് വില്പനയ്ക്ക് തടസ്സമാകില്ലെന്നും അദ്ദേഹം പറയുന്നു. എയര്ഇന്ത്യ വില്ക്കുന്നതുമായി ബന്ധപ്പെട്ട നടപടിക്രമങ്ങള് പരിശോധിക്കുന്നതിനും തടസ്സങ്ങള് പരിഹരിക്കുന്നതിനുമായി ഒരു മന്ത്രിതല ഉപസമിതി രൂപീകരിച്ചിട്ടുണ്ട്. ഇവര് യോഗം ചേര്ന്ന് നിലവിലെ സ്ഥിതി വിലയിരുത്തി. നിലവിൽ 58351 കോടി രൂപയാണ് എയര് ഇന്ത്യയുടെ ആകെ കടം.
https://www.facebook.com/Malayalivartha