More Stories...

വീട്ടമ്മയെ പറ്റിച്ച് രണ്ടു ലക്ഷം വില വരുന്ന സ്വര്‍ണാഭരണങ്ങളുമായി സൗഹൃദം നടിച്ചെത്തിയ യുവതി കടന്നു...

ജെഎന്‍യുവില്‍ ഫീസ് വര്‍ധനവിനെതിരെ കേന്ദ്ര സര്‍ക്കാരിനെ രൂക്ഷമായി വിമര്‍ശിച്ച് ഹൈക്കോടതി

പോലീസ് ഉദ്യോഗസ്ഥന്‍, വിഷപ്പാമ്പുകള്‍ നിറഞ്ഞ കിണറ്റില്‍ വീണ നായക്കുട്ടികളെ രക്ഷിച്ചു!

രാജ്യത്തെ മികച്ച മുഖ്യമന്ത്രി; രണ്ടാമതും രാജ്യത്തെ മികച്ച മുഖ്യമന്ത്രിയായി ജനം തിരഞ്ഞെടുത്ത് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെ

ആ ലക്ഷ്യത്തില്‍ പ്രധാനമന്ത്രിയും; പൌരത്വ നിയമത്തിലും ദേശീയ പൌരത്വ രജിസ്റ്റററിനെതിരെ ബിജെപിക്കുള്ളിലും വിമത ശബ്ദമുയരുന്നു; ഇതോടെ രാജിവെച്ച് പുറത്തുവന്നിട്ടുള്ളത് ബിജെപിയുടെ 80ഓളം ന്യനപക്ഷ സെല്‍ നേതാക്കൾ

സർക്കാരിന്റെ ഫെയിം 2 പദ്ധതി രാജ്യത്തെ വൈദ്യുത വാഹന വിപണിയിൽ വമ്പൻ വളർച്ചക്ക് കാരണമാകുന്നു . ഇന്ത്യാ എനര്‍ജി സ്‌റ്റോറേജ് അലയന്‍സ് (ഐഇഎസ്എ) നടത്തിയ പഠനത്തിലാണ് രാജ്യത്തു 36 ശതമാനം വൈദ്യുത വിപണി മേഖലയിൽ വളർച്ചയുണ്ടാകുമെന്നു കണ്ടെത്തിയത്. 2019-2026 കാലയളവില്‍ വിപണിയില്‍ മികച്ച ഉണര്‍വുണ്ടാകാന്‍ പദ്ധതി സഹായിക്കുമെന്നാണ് വിലയിരുത്തപ്പെടുന്നത്. ഫെയിം ഇന്ത്യ പദ്ധതിയുടെ രണ്ടാം ഘട്ടമാണ് ഫെയിം 2. ഇലക്ട്രിക് വാഹനങ്ങളുടെ നിര്‍മിതിയും നടപ്പാക്കലും അതിവേഗത്തിലാക്കാന്‍ പിന്തുണ നൽകുക എന്നതാണ് ഫെയിം 2 പദ്ധതിയിലൂടെ സർക്കാർ ലക്ഷ്യമിടുന്നത്. 2018ല്‍ ഇലക്ട്രിക് വാഹന വിപണിയിലുണ്ടായ മൊത്തം വില്‍പ്പന 365,920 യൂണിറ്റുകളാണ്. ഇത് 2026 ആകുമ്പോഴും 36 ശതമാനം വര്‍ധിക്കുമെന്നാണ് ഐഇഎസ്എ റിപ്പോര്‍ട്ട് സൂചിപ്പിക്കുന്നത്.

കഴിഞ്ഞ വര്‍ഷം ബാറ്ററി വിപണി 520 മില്യണ്‍ ഡോളറായിരുന്നു . ഇതിൽ 2026 ആകുമ്പോഴേക്കും 30 ശതമാനം വർധനയുണ്ടാകുമെന്നും റിപ്പോർട്ടിൽ പറയുന്നു.കഴിഞ്ഞ വർഷത്തെ വിപണിയെ ആധാരമാക്കിയാണ് റിപ്പോർട്ട് തയ്യാറാക്കിയിരിക്കുന്നത്. ചാർജറുകളുടെ വിൽപ്പനയിലും വർധനയുണ്ടാകുമെന്നു പ്രതീക്ഷിക്കപ്പെടുന്നു. 2018ല്‍ ആയിരത്തോളം ചാര്‍ജ്ജറുകള്‍ വില്‍പ്പന നടന്ന വിപണിയില്‍ 2026 ആകുമ്പോഴും 50,000 യൂണിറ്റായി ഉയർച്ചയുണ്ടാകുമെന്നും കണക്കാക്കപ്പെടുന്നു. എനര്‍ജി സ്റ്റോറേജ് മാന്യുഫാക്‌ചേഴ്‌സ്, ഗവേഷണ സ്ഥാപനങ്ങള്‍, സര്‍വകലാശാലകള്‍, പുനരുപയോഗ ഊര്‍ജ്ജ കമ്പനികള്‍, പവര്‍ ഇലക്ട്രോണിക്‌സ് കമ്പനികള്‍ എന്നിവര്‍ ഉള്‍പ്പെടുന്ന 96 ഓഹരി ഉടമകൾ ഐഇഎസ്എയില്‍ അംഗങ്ങളാണ്‌. ഫെയിം 2 പദ്ധതിയുടെ രണ്ടാം ഘട്ടത്തിനായി 9634 കോടി രൂപയാണ് സര്‍ക്കാര്‍ നീക്കി വെച്ചിരിക്കുന്നത്. ഇതിലൂടെ ഇലക്ട്രിക്ക്, ഹൈബ്രിഡ് വാഹന വിപണികൾക്കു ആവശ്യമായ പിന്തുണ നൽകുന്നതിനാണ് സർക്കാർ ശ്രമിക്കുന്നത്.

3 വർഷം നീളുന്ന ഫെയിം 2 രണ്ടാം ഘട്ടത്തിൽ 15 ലക്ഷത്തിലേറെ വാഹനങ്ങൾക്ക് ആനുകൂല്യങ്ങൾ ലഭ്യമാക്കാനാണ് സർക്കാർ പദ്ധതിയിടുന്നത്. വാഹനങ്ങള്‍ക്ക് 20,000 രൂപ വരെ സബ്‌സിഡി, രജിസ്‌ട്രേഷന്‍ നിരക്ക്, പാര്‍ക്കിംഗ് ഫീസ് തുടങ്ങിയവയിൽ ഇളവ്, കുറഞ്ഞ തോതിലുള്ള ടോൾ നിരക്ക് എന്നിവയും പദ്ധതിയുടെ ഭാഗമായി പരിഗണനയിലുണ്ട്. രാജ്യമെമ്പാടുമുള്ള നിരത്തുകള്‍ വൈദ്യുതിയിലേക്ക് മാറ്റുക എന്ന സര്‍ക്കാരിന്റെ ലക്ഷ്യം ഫെയിം 2 പദ്ധതിയിലൂടെ സാക്ഷാത്കരിക്കുകയാണ് സർക്കാർ. മോട്ടോര്‍ വാഹന ആക്ട് അനുസരിച്ച് രജിസ്‌ട്രേഷന്‍ നടത്തിയ ഇരുചക്ര, മുച്ചക്ര, വാഹനങ്ങൾക്ക് മാത്രമാണ് പദ്ധതിയുടെ ആനുകൂല്യങ്ങൾ ലഭ്യമാകുക.