ഡല്ഹി കൂട്ടബലാത്സംഗ കേസിലെ നാല് പ്രതികളില് രണ്ട് പ്രതികള് സമര്പ്പിച്ച തിരുത്തല് ഹര്ജിയില് ജനുവരി 14ന് സുപ്രീം കോടതി വാദം കേള്ക്കും; ജസ്റ്റിസുമാരായ എന് വി രമണ, അരുണ് മിശ്ര, ആര്എഫ് നരിമാന്, ആര് ബാനുമതി, അശോക് ഭൂഷണ് എന്നിവരടങ്ങിയ അഞ്ചംഗം ബഞ്ചാണ് ഹര്ജിയില് വാദം കേള്ക്കുക ; പ്രതികളുടെ തിരുത്തല് ഹര്ജികള് ബെഞ്ച് ചൊവ്വാഴ്ച ഉച്ചയ്ക്ക് 1. 45 ന് പരിഗണിക്കുമെന്നാണ് സൂചന
അഭിഭാഷകന് എ പി സിംഗ് വഴി സമര്പ്പിച്ച ഹരജിയില് കുറ്റവാളി വിനയ് ശര്മ താന് വളരെ ചെറുപ്പമാണെന്നും, പ്രായം പരിഗണിച്ച് ശിക്ഷയില് ഇളവ് നല്കണമെന്നും ചൂണ്ടിക്കാണിക്കുന്നു.വിനയ് ശര്മ (26), മുകേഷ് (32), പവന് ഗുപ്ത (25), അക്ഷയ് കുമാര് സിംഗ് (31) എന്നീ പ്രതികള്ക്കെതിരെയാണ് ഡല്ഹി കോടതി ചൊവ്വാഴ്ച മരണ വാറണ്ട് പുറപ്പെടുവിച്ചത്. ജനുവരി 22 ന് രാവിലെ ഏഴ് തിഹാര് ജയിലില് ഇവരുടെ വധശിക്ഷ നടപ്പിലാക്കും.
നാലുപേരെയും വധശിക്ഷ നടപ്പാക്കുന്ന തീയതി വരെ ഇന്സുലേഷന് സെല്ലുകളില് പാര്പ്പിച്ചിരിക്കുകയാണ്. 22 ന് രാവിലെ ഏഴിന് മൂന്നാം നമ്ബര് ജയില് മുറിയില് ഇവരുടെ വധശിക്ഷ നടപ്പാക്കും. അന്തിമ ശിക്ഷാവിധിക്കെതിരായ പുനഃപരിശോധനാ ഹര്ജി തള്ളിയ ശേഷമാണ് തിരുത്തല് ഹര്ജി സമര്പ്പിക്കുക
കേസില് ശിക്ഷ നടപ്പാക്കുന്നതില് വരുന്ന കാലതാമസം മുന്നില്ക്കണ്ട് നിര്ഭയയുടെ അമ്മ ഹര്ജിയുമായി ഡല്ഹി പട്യാല കോടതിയെ സമീപിച്ചിരുന്നു. പ്രതികളുടെ വധ ശിക്ഷ എത്രയുംവേഗം നടപ്പാക്കണമെന്നായിരുന്നു അവരുടെ ആവശ്യം.
ജനുവരി 7 വരെയായിരുന്നു Mercy Petition സമര്പ്പിക്കാന് കോടതി സമയം അനുവദിച്ചിരുന്നത്.
അതേസമയം, കഴിഞ്ഞ ഡിസംബറില് കൊലക്കയറില്നിന്നും രക്ഷപെടാന് പവന് ഗുപ്ത നടത്തിയ അവസാന ശ്രമവും പാഴായിരുന്നു. സംഭവം നടക്കുമ്ബോള് പ്രായപൂര്ത്തിയായിരുന്നില്ല എന്നു വരുത്തിതീര്ക്കാനാണ് അയാള് ശ്രമിച്ചത്. എന്നാല് പ്രതി കോടതിയെ കബളിപ്പിക്കുകയാണ് എന്ന് കോടതി കണ്ടെത്തുകയും പവന്റെ അഭിഭാഷകന് എ പി സി൦ഗിന് 25,000രൂപ പിഴയും ചുമത്തുകയുമായിരുന്നു.
നിര്ഭയ കേസിലെ പ്രതി അക്ഷയ് കുമാര് സമര്പ്പിച്ചിരുന്ന പുന:പരിശോധനാ ഹര്ജി സുപ്രീംകോടതി തള്ളിയിരുന്നു. കേസിലെ മറ്റുപ്രതികളായ മുകേഷ് കുമാര്, വിനയ് ശര്മ്മ, പവന്കുമാര് ഗുപ്ത എന്നിവരുടെ റിവ്യൂ ഹര്ജികള് സുപ്രീംകോടതി 2018 ജൂലൈയില് തള്ളിയിരുന്നു. ഇതോടെ കേസിലെ പ്രതികള്ക്കെല്ലാം വിധിച്ച വധശിക്ഷ സുപ്രീംകോടതി ശരിവച്ചിരിക്കുകയാണ്.
https://www.facebook.com/Malayalivartha
