ക്ലാസിലിരിക്കേണ്ട നമ്മുടെ യുവതലമുറ തെരുവുകളിലാണ്, ഒരുമിച്ച് നില്ക്കണം'; പൗരത്വ നിയമത്തില് പ്രതികരണവുമായി സുനില് ഗവാസ്ക്കര്; പൗരത്വ ബില്ലിൽ പ്രതിഷേധങ്ങൾ കണക്കുമ്പോൾ നിലപാടിൽ മാറ്റമില്ലാതെ കേന്ദ്ര സർക്കാർ; പ്രക്ഷോഭത്തിന് പിന്തുണയുമായി നിരവധി പ്രമുഖർ
പൗരത്വബില്ലിൽ പ്രതിഷേധം തെരുവുകളിലേക്കും വ്യാപിച്ചിട്ടു നാളുകളായി. എങ്കിലും ഭേദഗതി ബില്ലിൽ നിന്നും പിന്നോട്ടില്ല എന്ന നിലപാടിൽ തന്നെയാണ് കേന്ര ഗവണ്മെന്റ് . വിദ്യാർത്ഥികളായിരുന്നു ഏറ്റവും കൂടുതൽ പ്രതിഷേധ സ്വരങ്ങൾ ഉയർത്തി മുന്നോട്ടു വന്നതും. വിദ്യാർത്ഥികൾക്ക് പിന്തുണ പ്രഖ്യാപിച്ചു നിരവധി പ്രമുഖരും എത്തിയിരുന്നു. ബോളിവുഡ് താരങ്ങളിൽ ഭൂരിഭാഗം പേരും ബില്ലിനെതിരെയുള്ള വിദ്യാർത്ഥി പ്രക്ഷോഭങ്ങൾക്ക് പിന്തുണ അറിയിക്കുകയും ചെയ്തിരുന്നു. ഈ സാഹചര്യത്തിലാണ് പൗരത്വ ഭേദഗതി നിയമത്തിനെതിരെയുള്ള വിദ്യാര്ത്ഥി പ്രക്ഷോഭങ്ങള് അടിച്ചമര്ത്തുന്നതില് ആശങ്കയുണ്ടെന്ന പ്രസ്താവനയുമായി ക്രിക്കറ്റ് താരം സുനില് ഗവാസ്കര് എത്തിയിരിക്കുന്നത്. രാജ്യത്ത് കലുഷിതമായ അന്തരീക്ഷമാണ് ഉള്ളതെന്നും അദ്ദേഹം പറഞ്ഞു.
” രാജ്യം കലുഷിതമാണ്. ക്ലാസിലിരിക്കേണ്ട നമ്മുടെ യുവതലമുറ തെരുവുകളിലാണ്. തെരുവുകളില് പ്രതിഷേധിച്ചതിന് അവരില് ചിലരിപ്പോള് ആശുപത്രികളിലാണ്.” ഗവാസ്ക്കര് പറഞ്ഞു.
ഒരുമിച്ചു നിന്നാല് മാത്രമെ മുന്നോട്ടുപോകാന് സാധിക്കുകയുള്ളു എന്നാണ് കളികള് നമ്മളെ പഠിപ്പിച്ചിട്ടുള്ളതെന്നും അദ്ദേഹം പറഞ്ഞു.ഒരുമിച്ച് നില്ക്കുമ്പോഴാണ് നാം വിജയിക്കുന്നത്. മുന്പും ഇന്ത്യ ഒട്ടനവധി പ്രശ്നങ്ങള് തരണം ചെയ്തിട്ടുണ്ട്. ഈ പ്രശ്നവും ഇന്ത്യ തരണം ചെയ്യുകയും കൂടുതല് കരുത്താര്ജിക്കുകയും ചെയ്യും. ഒരുമിച്ച് നിന്നാല് മാത്രമെ ഒരു രാജ്യമെന്ന നിലയില് നമുക്ക് മുന്നോട്ട് പോകാന് കഴിയൂ” , അദ്ദേഹം പറഞ്ഞു.
സി.എ.എ വിരുദ്ധ പ്രതിഷേധവുമായി ബന്ധപ്പെട്ട സംഭവങ്ങള് അന്വേഷിക്കാന് ഉന്നതാധികാര കമ്മീഷന് വേണമെന്നാവശ്യപ്പെട്ട് സോണിയാ ഗാന്ധി നേരത്തെ രംഗത്തെത്തിയിരുന്നു.
നിയമത്തിനെതിരെ പ്രതിഷേധംനടത്തുന്ന ആയിരക്കണക്കണക്കിന് യുവതീ യുവാക്കള്ക്കും വിദ്യാര്ത്ഥികള്ക്കും പൗരത്വ നിയമത്തിന്റെ ഗുരുതരമായ ദോഷത്തെക്കുറിച്ച് അറിയാമെന്നും അവര് പറഞ്ഞിരുന്നു.ജെ.എന്.യുവില് ഗുണ്ടാ അക്രമണത്തിനിരയ വിദ്യാര്ത്ഥികളെ ദീപിക പദുക്കോണ് സന്ദര്ശിച്ചതിനു പിന്നാലെ ദീപികയുടെ പുതിയ ചിത്രമായ ‘ചപകി’നെതിരെ വിദ്വേഷ പ്രചാരണങ്ങള് വ്യാപകമായിരുന്നു.
ചിത്രം ബഹിഷ്കരിക്കണമെന്ന ആഹ്വാനവുമായി ബി.ജെ.പി നേതാക്കളും രംഗത്തെത്തിയിരുന്നു. എന്നാല് സാമൂഹിക പ്രസക്തിയുള്ള ചിത്രത്തിന് പിന്തുണ നല്കി കലാസാംസ്കാരിക രംഗത്തു നിന്ന് നിരവധി പേരാണ് രംഗത്തെത്തിയിരിക്കുന്നത്.
പ്രതിഷേധിക്കുന്നവരെയെല്ലാം കായികമായും മാനസികമായും ഉന്മൂലനം ചെയ്യാൻ സംഘ്പരിവാ ർ ശ്രമിക്കുമ്പോഴും നിരവധി പ്രമുഖർ പ്രതിഷേധ സ്വരങ്ങൾ ഉയർത്തുകയാണ്. എന്നാൽ ഇതൊന്നും തങ്ങളെ ബാധിക്കില്ല എന്ന മട്ടിൽ പൗരത്വ ബില് എണ്ണതീരുമാനത്തിലുറച്ച മുന്നോട്ടു പോകുകയാണ് കേന്ദ്ര സർക്കാർ
https://www.facebook.com/Malayalivartha