ഉന്നാവ പെണ്കുട്ടിയുടെ പിതാവിനെ ചികിത്സിച്ച ഡോക്ടര് ദുരൂഹ സാഹചര്യത്തില് മരിച്ചു
ഉന്നാവ മാനഭംഗകേസിലെ പരാതിക്കാരിയുടെ പിതാവിനെ ചികിത്സിച്ച ഡോക്ടര് ദുരൂഹ സാഹചര്യത്തില് മരിച്ചു. പെണ്കുട്ടിയുടെ പിതാവിന് ക്രൂരമര്ദ്ദനം ഏറ്റപ്പോള് ചികിത്സ നല്കിയ ഡോക്ടര് പ്രശാന്ത് ഉപാധ്യായയാണ് മരിച്ചത്. പ്രഥമ ചികിത്സ നല്കി വിട്ടയിച്ച പെണ്കുട്ടിയുടെ പിതാവ് പിന്നീട് പോലീസ് കസ്റ്റഡിയില് മരിച്ചിരുന്നു. ഉന്നാവ കേസിന്റെ വിചാരണ നാളെ തുടങ്ങാന് ഇരിക്കെയാണ് ഡോക്ടറുടെ ദുരൂഹ മരണം എന്ന് വാര്ത്താ ഏജന്സി റിപ്പോര്ട്ട് ചെയ്തു. ആശുപത്രിയില് എമര്ജന്സി വാര്ഡില് ചുമതല ഉള്ളപ്പോഴാണ് പെണ്കുട്ടിയുടെ അച്ഛനെ ചികിത്സിക്കുന്നത്. കസ്റ്റഡി മരണം സംബന്ധിച്ച് സിബിഐ അന്വേഷണത്തില് പിന്നീട് ഇയാളെ ജോലിയില് നിന്ന് സസ്പെന്ഡ് ചെയ്യുകയും ചെയ്തു. പിന്നീട് ജോലിയില് തിരിച്ചെടുത്ത ഇദ്ദേഹം ഫത്തേപൂരിലെ സര്ക്കാര് ആശുപത്രിയില് ജോലി ചെയ്യുകയായിരുന്നു.
അദ്ദേഹത്തിന് തിങ്കളാഴച രാവിലെ ശ്വാസതടസ്സം അനുഭവപ്പെട്ടിരുന്നതായി ബന്ധുക്കള് പറഞ്ഞു. എന്നാല് ആശുപത്രിയില് പോകാന് ഇയാള് ആദ്യം വിസമ്മതിച്ചു. പിന്നീട് ആശുപത്രിയില് എത്തിച്ചെങ്കിലും അദ്ദേഹത്തിന്റെ ജീവന് രക്ഷിക്കാന് ആയില്ലെന്ന് ബന്ധുക്കള് പറഞ്ഞു. മൃതദേഹം പോസ്റ്റമോര്ട്ടം ചെയ്യും. ബിജെപിയില് നിന്ന് പുറത്താക്കപ്പെട്ട എംഎല്എ കുല്ദീപ് സിങ് സോംഗര് ഉന്നാവ കേസില് ജീവപര്യന്തം തടവ്ശിക്ഷ അനുഭവിക്കുകയാണ്. സോംഗറിന്റെ സഹോദരനും ജയിലില് ആണ്. പെണ്കുട്ടിയുടെ പിതാവിന്റെ മരണവുമായി ബന്ധപ്പെട്ടാണ് ഇയാള് ജയിലില് കിടക്കുന്നത്.
https://www.facebook.com/Malayalivartha
