കൊവിഡ് ബാധിച്ച് ചികിത്സയില്‍ കഴിയുകയും അസുഖം ഭേദമാകുകയും ചെയ്ത ഇറ്റലിയില്‍ നിന്നെത്തിയ സഞ്ചാരി ഹൃദയാഘാതം വന്നു മരിച്ചു. ജയ്പൂരിലാണ് 69കാരനായ സഞ്ചാരി മരണപ്പെട്ടത്. വ്യാഴാഴ്ച രാത്രിയോടെ ഇയാള്‍ക്ക് ഹൃദയാഘാതമുണ്ടാകുകയായിരുന്നു. ഉടന്‍ തന്നെ മരണം സംഭവിക്കുകയും ചെയ്തു.

മരിച്ച 69കാരന്‍ ഹൃദയ ശ്വാസകോശ സംബന്ധമാായ അസുഖമുള്ളയാളാണെന്നും കൊവിഡില്‍നിന്ന് രക്ഷനേടിയിരുന്നുവെന്നും ജയ്പൂരിലെ എസ്എംഎസ് മെഡിക്കല്‍ കോളേജ് പ്രിന്‍സിപ്പല്‍ സുധീര്‍ ഭാന്ദ്രി വെളിപ്പെടുത്തി . സ്വകാര്യആശുപത്രിയിലേക്ക് മാറ്റണമെന്ന് രോഗി ആവശ്യപ്പെട്ടതോടെ അദ്ദേഹത്തെ വ്യാഴാഴ്ച രാവിലെ ഫോര്‍ട്ടിസ് ആശുപത്രിയിലേക്ക് മാറ്റിയിരുന്നുവെന്നും അദ്ദേഹം അറിയിച്ചു.

അതേസമയം ദമ്പതികള്‍ക്ക് കൊവിഡ് 19 സ്ഥിരീകരിച്ചതോടെ രാജസ്ഥാനില്‍ കൊവിഡ് ബാധിച്ചവരുടെ എണ്ണം ഒമ്പതായി ഉയർന്നു . ഇവർ എസ്എംഎസ് ആശുപത്രിയില്‍ ഐസൊലേഷനിലാണ്. മാര്‍ച്ച് 17ന് ദുബായ് വഴി സ്‌പെയിനില്‍ നിന്ന് ദില്ലിയിലെത്തിയവരാണ് ഇവരെന്ന് രാജസ്ഥാന്‍ അഡീഷണല്‍ ചീപ് സെക്രട്ടറി (ആരോഗ്യം) രോഹിത്ത് കുമാര്‍ സിംഗ്അറിയിച്ചു.