കോവിഡ്-19; യുപിഎസ്സി നിയമന നടപടികൾ നിർത്തിവെക്കുന്നു...പുതുക്കിയ തീയതികൾ ഉടൻ അറിയിക്കും
കോവിഡ്-19 രോഗവ്യാപനത്തിന്റെ പശ്ചാത്തലത്തിൽ നിയമന നടപടികൾ എല്ലാം നിർത്തിവെക്കാൻ തീരുമാനിച്ച് യുപിഎസ്സി. വിജ്ഞാപനം, പരീക്ഷാ നടത്തിപ്പ്, അഭിമുഖം, വൈദ്യപരിശോധന എന്നിവയടക്കമുള്ള നടപടികളാണ് താത്കാലികമായി നിര്ത്തി വച്ചിരിക്കുന്നത്. മാർച്ച് 28 ന് പുറപ്പെടുവിച്ച വിജ്ഞാപനമുൾപ്പെടെ മാറ്റിവച്ചതായി ഔദ്യോഗിക വെബ്സൈറ്റിലൂടെ അറിച്ചു.കഴിഞ്ഞ തവണ വിജ്ഞാപനത്തില് പുറത്തിറക്കിയ അഞ്ച് തസ്തികകളിലേക്ക് അപേക്ഷിക്കാനുള്ള ലിങ്കും വെബ്സൈറ്റില് നിന്ന് എടുത്ത് മാറ്റിയതായി യു.പി.എസ്.സി വ്യക്തമാക്കി.
upsc.gov.in എന്ന വെബ്സൈറ്റിലൂടെ ഉദ്യോഗാര്ത്ഥികള്ക്ക് ഇതിന്റെ വിശദ വിവരങ്ങള് ലഭ്യമാകും . പുതുക്കിയ തീയതികള് ഉടന് അറിയിക്കുമെന്നും യു.പി.എസ്.സി വ്യക്തമാക്കിയിട്ടുണ്ട്. ഈ സാഹചര്യത്തില് ഏപ്രില് 19-ന് നടത്താന് നിശ്ചയിച്ചിരുന്ന നാഷണല് ഡിഫന്സ് അക്കാദമി (എന്.ഡി.എ), നേവല് അക്കാദമി (ഡി.എ) പരീക്ഷകളും യു.പി.എസ്.സി മാറ്റിവെച്ചു. ലോക്ക്ഡൗണിന്റെ പശ്ചാത്തലത്തില് എന്.ടി.എ, ഐ.ബി.പി.എസ് എന്നിവയടക്കമുള്ള നിരവധി റിക്രൂട്ട്മെന്റ് ഏജന്സികളും പരീക്ഷകള് മാറ്റാൻ തീരുമാനിച്ചിരുന്നു.
അതേസമയം ലോകമൊട്ടാകെ കോവിഡ് വ്യാപനം അനിയന്ത്രിതമാകുകയാണ്. രോഗികളുടെ എണ്ണം എട്ടുലക്ഷത്തോളമെടുക്കുന്നു. ഏഴുലക്ഷത്തിൽ കൂടുതൽ ആളുകൾക്കാണ് ലോകമൊട്ടാകെ രോഗം ഇതുവരെ സ്ഥിതീകരിച്ചത്. 37840 പേരാണ് ഇതുവരെ രോഗം ബാധിച്ച് മരിച്ചത്. ഇന്ത്യയിൽ ഇതുവരെ 1251 പേർക്ക് കോവിഡ് സ്ഥിതീകരിച്ചു. 32 പേര് ഇന്ത്യയിൽ രോഗബാധയേറ്റ് മരിച്ചു. കേരളത്തിൽ 234 പേർക്ക് രോഗബാധയേറ്റു. മരണം രണ്ടായി.
https://www.facebook.com/Malayalivartha