പാര്‍ലമെന്റ് സ്റ്റാന്‍ഡിങ് കമ്മിറ്റി യോഗങ്ങളും എംപിമാരുടെ യാത്രകളും കോവിഡിന്റെ പശ്ചാത്തലത്തില്‍ ജൂണ്‍ വരെ നിര്‍ത്തിവയ്ക്കാന്‍ ലോക്‌സഭാ സെക്രട്ടേറിയറ്റ് നിര്‍ദേശം നല്‍കി.

രണ്ടായിരത്തിലേറെ ജീവനക്കാരുടെ ശമ്പളത്തിനും അനിവാര്യ ചെലവുകള്‍ക്കുമേ പണം ചെലവാക്കാവൂ.

ആദ്യപാദ ചെലവ് ബജറ്റ് വിഹിതത്തിന്റെ 20 % കവിയരുത്.

811 കോടി രൂപയാണ് ലോക്‌സഭയുടെ ബജറ്റ് വിഹിതം; രാജ്യസഭയ്ക്ക് 436 കോടി രൂപയും.

കന്റീന്‍ ചെലവ്, ലോക്‌സഭാ, രാജ്യസഭാ ടിവികളിലേക്കു ക്ഷണിച്ചുകൊണ്ടുവരുന്ന വിദഗ്ധരുടെ ചെലവുകള്‍, അറ്റകുറ്റപ്പണി കരാറുകള്‍, കണ്‍സല്‍റ്റന്റ് നിയമനങ്ങള്‍, വാടകയ്ക്കുള്ള വാഹനങ്ങള്‍ തുടങ്ങിയവയും ജൂണ്‍ വരെ നിര്‍ത്തിവയ്ക്കും.