അവരുടെ അന്ത്യകര്മങ്ങള് ചെയ്യുക എന്നത് എന്റെ കടമയായിരുന്നു; തന്റെ വീട്ടുജോലിക്കാരിയുടെ മരണാനന്തര കര്മ്മങ്ങള് നിര്വഹിച്ച് ഗൗതം ഗംഭീര്
തന്റെ വീട്ടുജോലിക്കാരിയായിരുന്ന സ്ത്രീയുടെ മരണാനന്തര സംസ്കാര ചടങ്ങുകള് നിര്വഹിച്ച് മുന് ക്രിക്കറ്റ് താരവും ബി.ജെ.പി എം.പിയുമായ ഗൗതം ഗംഭീര്. ആറ് വര്ഷത്തോളമായി തന്റെ വീട്ടില് ജോലിക്ക് നിന്നിരുന്ന സരസ്വതി പാത്ര എന്ന സ്ത്രീയുടെ അന്ത്യകര്മങ്ങളാണ് ഗംഭീര് നിര്വഹിച്ചത്.
ലോക്ക് ഡൗണ് കാരണം സരസ്വതിയുടെ മൃതദേഹം അവരുടെ നാടായ ഒഡീഷയിലേക്ക് അയക്കാന് സാധിക്കാത്തതിനെ തുടര്ന്നാണ് ഗംഭീര് തന്നെ സരസ്വതിയുടെ അന്ത്യകര്മങ്ങള് നടത്തിയത്. ഗംഗാ റാം ആശുപത്രിയില് ചികിത്സയിലായിരുന്നു സരസ്വതി പാത്ര. പ്രമോഹവും ഉയര്ന്ന രക്തസമ്മര്ദവും ഇവര്ക്കുണ്ടായിരുന്നെന്നാണ് വിവരം.
'എന്റെ കുഞ്ഞിനെ ശ്രദ്ധയോടെ പരിപാലിച്ച അവര് ഒരിക്കലും ജോലിക്കാരിയല്ല. അവര് എന്റെ കുടുംബത്തിലെ അംഗമാണ്. അവരുടെ അന്ത്യകര്മങ്ങള് ചെയ്യുക എന്നത് എന്റെ കടമയായിരുന്നു. ഗംഭീര് ട്വിറ്ററില് കുറിച്ചു. ജാതി, മതം, സാമൂഹിക പദവി എന്നിവയില് അധിഷ്ഠിതമല്ലാതെ മഹത്വത്തില് വിശ്വസിക്കുക എന്നതാണ് മെച്ചപ്പെട്ട സമൂഹം സൃഷ്ടിക്കാനുള്ള ഏക മാര്ഗം. തന്റെ സങ്കല്പ്പത്തിലുള്ള ഇന്ത്യ അങ്ങനെയാണെന്നും അദ്ദേഹം വ്യക്തമാക്കി.
https://www.facebook.com/Malayalivartha
