ജമ്മുകശ്മീരിലെ കിഷ്ത്‌വാറില്‍ ഇന്ത്യന്‍ സൈന്യവും പൊലീസും നടത്തിയ സംയുക്ത നീക്കത്തില്‍ ഭീകരവാദികളുടെ ഒളിസങ്കേതം തകര്‍ത്തു. ഇവിടെ നിന്ന് നിരവധി ആയുധങ്ങളും സ്‌ഫോടക വസ്തുക്കളും പിടിച്ചെടുത്തിട്ടുണ്ട്. കിഷ്ത്‌വാര്‍ ജില്ലയിലെ ഛാഛ വനത്തിനുള്ളില്‍ ബുധനാഴ്ചയായിരുന്നു സുരക്ഷാസേനയുടെ ഓപറേഷന്‍.

എ.കെ 56 തോക്ക്, 27 റൗണ്ട് വെടിയുതിര്‍ക്കാവുന്ന തരത്തില്‍ തിര നിറക്കാവുന്ന റൈഫിള്‍ മാഗസിന്‍, ഒരു അണ്ടര്‍ ബാരല്‍ ഗ്രനേഡ് ലോഞ്ചര്‍, 9 എം.എം കൈത്തോക്ക്, ആറ് റൗണ്ട് വെടിയുതിര്‍ക്കാവുന്ന തരത്തിലുള്ള പിസ്റ്റള്‍ മാഗസിന്‍ എന്നിവയാണ് പിടിച്ചെടുത്തത്. ഈ മാസം ആദ്യം പുല്‍വാമ ജില്ലയില്‍ ഭീകരവാദികളുടെ ഒളിസങ്കേതം സുരക്ഷാസേന തകര്‍ത്തിരുന്നു.