സംസ്ഥാന സ​ര്‍​ക്കാ​രി​ന്റെ നി​യ​ന്ത്ര​ണ​ത്തി​ലു​ള്ള ആ​ശു​പ​ത്രി​ക​ളി​ലും ഏ​താ​നും സ്വ​കാ​ര്യ ആ​ശു​പ​ത്രി​ക​ളി​ലും ഡല്‍ഹി നിവാസികള്‍ക്ക് മാത്രം ചികിത്സ നല്‍കണമെന്ന ഡല്‍ഹി മുഖ്യമന്ത്രി അരവിന്ദ് കേജ്‌രിവാളിന്റെ തീരുമാനം ലെഫ്റ്റനന്റ് ഗവര്‍ണര്‍ അനില്‍ ബൈജൽ റദ്ധാക്കി. ഡ​ല്‍​ഹി​യി​ല്‍‌ എ​ല്ലാ​വ​ര്‍​ക്കും ചി​കി​ത്സ ന​ല്‍​കുമെന്നും ഡ​ല്‍​ഹി നി​വാ​സി​യ​ല്ല എ​ന്ന കാ​ര​ണ​ത്താ​ന്‍ ഒ​രാ​ള്‍​ക്കും ചി​കി​ത്സ നി​ഷേ​ധി​ച്ചി​ട്ടി​ല്ലെ​ന്ന് അ​ധി​കൃ​ത​ര്‍ ഉ​റ​പ്പു​വ​രു​ത്ത​ണ​മെ​ന്നും ഗ​വ​ര്‍​ണ​ര്‍‌ നി​ര്‍​ദേ​ശി​ച്ചിട്ടുമുണ്ട്.

സംസ്ഥാനത്ത് കൊവി​ഡ് രോ​ഗി​ക​ളു​ടെ എ​ണ്ണം വര്‍ദ്ധിക്കുകയുംവേണ്ട ചി​കി​ത്സ ലഭ്യമാകാതിരിക്കുകയും ചെ​യ്യു​ന്ന​ സാഹചര്യത്തിലാണ് ഡല്‍ഹിയിലെ ആം ​ആ​ദ്മി സ​ര്‍​ക്കാ​ര്‍ ഇങ്ങനെയൊരു തീ​രു​മാ​ന​മെ​ടു​ത്ത​ത്. അ​തി​ര്‍​ത്തി സം​സ്ഥാ​ന​ങ്ങ​ളി​ല്‍​നി​ന്നു​ള്ള​വ​രു​ടെ കു​ത്തൊ​ഴു​ക്ക് ത​ട​യു​ന്ന​തി​നാ​ണി​തെ​ന്നായിരുന്നു മു​ഖ്യ​മ​ന്ത്രി അ​ര​വി​ന്ദ് കേജ്​രി​വാള്‍ ഈ തീരുമാനത്തെ ന്യയീകരിച്ചിരുന്നത്. അതേസമയം, കേ​ന്ദ്ര​ സ​ര്‍​ക്കാ​രിന്റെ കീ​ഴി​ലു​ള്ള ആ​ശു​പ​ത്രി​ക​ളി​ല്‍ നി​യ​ന്ത്ര​ണ​ങ്ങ​ളി​ല്ല.

തീരുമാനമെടുക്കും മുന്‍പ് ഡ​ല്‍​ഹി മു​ഖ്യ​മ​ന്ത്രി ക​ഴി​ഞ്ഞ​യാ​ഴ്ച പൊ​തു​ജ​നാ​ഭി​പ്രാ​യം തേ​ടി​യി​രു​ന്നു. 90 ശ​ത​മാ​നം പേ​രും ചി​കി​ത്സ ഡ​ല്‍​ഹി​ക്കാ​ര്‍ക്ക്മാ​ത്ര​മാ​യി ചു​രു​ക്ക​ണ​മെ​ന്ന് അ​ഭി​പ്രാ​യ​പ്പെ​ടു​ക​യാ​യി​രു​ന്നു. തു​ട​ര്‍​ന്ന് ഡോ​ക്ട​ര്‍​മാ​രു​ള്‍​പ്പെ​ടെ​യു​ള്ള അ​ഞ്ചം​ഗ വി​ദ​ഗ്ധ സ​മി​തി​യു​ടെ നി​ര്‍​ദേ​ശ​പ്ര​കാ​ര​മാ​ണു അ​ന്തി​മ​തീ​രു​മാ​ന​മെ​ടു​ത്ത​ത്.കേജ്​രി​വാ​ളി​ന്റെ തീ​രു​മാ​നം മല​യാ​ളി​ക​ളു​ള്‍​പ്പ​ടെ ഇ​ത​ര സം​സ്ഥാ​ന​ക്കാ​രെ ആ​ശ​ങ്ക​പ്പെടുത്തിയിരുന്നു.