രാത്രി 9 മുതല് രാവിലെ 5 വരെ കര്ഫ്യൂ... തിരുവനന്തപുരത്ത് ഒരാഴ്ചത്തേയ്ക്ക് കൂടി ലോക്ക് ഡൗണ് നീട്ടി, ഇളവുകളും നിയന്ത്രണങ്ങളും ഇങ്ങനെ...
തിരുവനന്തപുരത്ത് ഒരാഴ്ചത്തേയ്ക്ക് കൂടി ലോക്ക് ഡൗണ് നീട്ടി. രാവിലെ 9 മുതല് വൈകീട്ട് 5 വരെ കര്ഫ്യൂ ഉണ്ടായിരിക്കും. ജില്ലാ കളക്ടര് നവ്ജ്യോത് ഖോസയാണ് ഇക്കാര്യം അറിയിച്ചത്. സെക്രട്ടറിയേറ്റില് ചീഫ് സെക്രട്ടറിയുടെ ഓഫീസ്, ആരോഗ്യം, ആഭ്യന്തരം, ദുരന്തനിവാരണം, തദ്ദേശസ്വയംഭരണം, നോര്ക്ക വകുപ്പുകള് പരമാവധി 50 ശതമാനം ജീവനക്കാരെ വച്ച് പ്രവര്ത്തിക്കണം. മറ്റുവകുപ്പുകളില് 30 ശതമാനം ജീവനക്കാര് മാത്രമേപാടുള്ളു.
സെക്രട്ടേറിയറ്റിലെ ചീഫ് സെക്രട്ടറിയുടെ ഓഫീസ്, ആരോഗ്യം, ആഭ്യന്തരം, ദുരന്തനിവാരണം, തദ്ദേശസ്വയംഭരണം, നോര്ക്ക എന്നീ വകുപ്പുകള് പരമാവധി 50 ശതമാനം ജീവനക്കാരെ നിശ്ചയിച്ച് ജോലി ക്രമീകരിക്കണം. സെക്രട്ടേറിയറ്റിലെ മറ്റു വകുപ്പുകളില് അനിവാര്യമായ പ്രവര്ത്തനങ്ങള് ഉറപ്പാക്കാന് മാത്രം ആവശ്യമുള്ള ജീവനക്കാര്(പരമാവധി 30 ശതമാനം) ഹാജരാകാന് ബന്ധപ്പെട്ട സെക്രട്ടറിമാര്ക്ക് ആവശ്യമായ ക്രമീകരണങ്ങള് നടത്താം. സമയബന്ധിതമായ ജോലികള് നിര്വഹിക്കേണ്ടതിനാല് ഗവ. പ്രസ്സുകള്ക്കും പ്രവര്ത്തിക്കാം.
കേന്ദ്രസര്ക്കാരിന് കീഴില് വരുന്ന പ്രതിരോധം, എയര്പോര്ട്ട്, റെയില്വേ, പോസ്റ്റ് ഓഫീസ് തുടങ്ങിയ പൊതുജന സേവന സംവിധാനങ്ങള്, അവശ്യ സര്വീസുകള് തുടങ്ങിയവയ്ക്ക് അനുമതിയുണ്ട്. സംസ്ഥാന സര്ക്കാരിന് കീഴിലുള്ള ജില്ലാ ഭരണകൂടം, ദുരന്തനിവാരണം, ആര്ഡിഒ ഓഫീസ്, താലൂക്ക്, വില്ലേജ് ഓഫീസുകള്, പൊലീസ്, ഹോം ഗാര്ഡ്, ഫയര് ഫോഴ്സ്, ജയില് വകുപ്പ്, ട്രഷറി, ജല, വൈദ്യുത വകുപ്പുകള് തുടങ്ങിയവ പ്രവര്ത്തിക്കും. മാധ്യമസ്ഥാപനങ്ങള്ക്കും ടെലികോം ഓപ്പറേറ്റര്മാര്ക്കും നിശ്ചിത ജീവനക്കാരെ വച്ച് പ്രവര്ത്തിക്കാം - പരമാവധി 50 ശതമാനം ജീവനക്കാരുമായി.
ചികിത്സയുമായി ബന്ധപ്പെട്ട അടിയന്തര ആവശ്യങ്ങള്ക്കല്ലാതെ ആരും പുറത്തിറങ്ങരുതന്ന് കളക്ടര് അഭ്യര്ത്ഥിച്ചു. ക്രിട്ടിക്കല് സോണുകളായ പൂന്തുറ, പുത്തന്പള്ളി, മാണിക്യവിളാകം വാര്ഡുകളില് ഇളവുകളുണ്ടാകില്ല. വലി തുറ, ബീമാപള്ളി, വള്ളക്കടവ്, മുട്ടത്തറ, ബീമാപള്ളി ഈസ്റ്റ് വാര്ഡുകള് ബഫര് സോണുകളാണ്.
ആശുപത്രികള്, മെഡിക്കല് ഷോപ്പുകള്, ലബോറട്ടറികള് തുടങ്ങിയ ആരോഗ്യ അനുബന്ധ സ്ഥാപനങ്ങള്ക്ക് പ്രവര്ത്തിക്കാം. മരുന്ന്, ജനകീയ ഹോട്ടലില് നിന്നുള്ള ഭക്ഷണം എന്നിവ ഒഴികെ മറ്റൊന്നിനും ഡോര് ഡെലിവറി അനുവദിക്കില്ല. പ്രദേശത്ത് മുന്നിശ്ചയിച്ചിട്ടുള്ള എല്ലാ പൊതു പരീക്ഷകളും ഇനിയൊരു അറിയിപ്പുണ്ടാകുന്നതുവരെ നടത്താന് പാടില്ല. പാല്,പലചരക്ക് കടകള്, ബേക്കറികള്, എന്നിവയ്ക്ക് രാവിലെ ഏഴുമണി മുതല് ഉച്ചയ്ക്ക് 12 വരെയും വൈകിട്ട് നാലുമണി മുതല് ആറുമണി വരെയും വില്പ്പന നടത്താം. ഉച്ചയ്ക്ക് ഒരുമണിമുതല് മൂന്നുമണിവരെ സ്റ്റോക്ക് സ്വീകരിക്കുന്നതിന് മാത്രം തുറന്നുപ്രവര്ത്തിക്കാം. രാത്രി ഒന്പതുമണി മുതല് പുലര്ച്ചെ അഞ്ചുമണിവരെ നൈറ്റ് കര്ഫ്യു ആയിരിക്കും.
"
https://www.facebook.com/Malayalivartha