രാജ്യാന്തര പ്രശസ്തയായ നര്ത്തകി അമല ശങ്കര് കൊല്ക്കത്തയില് അന്തരിച്ചു
ഇന്ത്യന് നൃത്തകലയെ ലോകത്തിനു മുന്നിലെത്തിച്ച പ്രശസ്ത നര്ത്തകി അമല ശങ്കര്(101) കൊല്ക്കത്തയില് അന്തരിച്ചു. പ്രശസ്ത കൊറിയോഗ്രാഫറും നര്ത്തകനും ആയിരുന്ന ഉദയ് ശങ്കറാണ് ഭര്ത്താവ്. അന്തരിച്ച പ്രശസ്ത സംഗീതജ്ഞന് ആനന്ദ ശങ്കര് മകനും ബംഗാളി നടി മമത ശങ്കര് മകളുമാണ്.
1948-ല് അമല ശങ്കറിന്റെ ഭര്ത്താവ് ഉദയ് ശങ്കര് സംവിധാനം ചെയ്ത കല്പന എന്ന ഹിന്ദി ചിത്രത്തില് അമലയും ഉദയ് ശങ്കറും ചേര്ന്നഭിനയിച്ചിരുന്നു. ഉദയ് 1977-ല് ലോകത്തോടു വിടപറഞ്ഞെങ്കിലും 92 വയസു വരെ അമല നൃത്തവേദിയില് സജീവമായിരുന്നു.
നേതാജി സുഭാഷ് ചന്ദ്രബോസിന്റെ പ്രേരണയാലാണ് അമലയെ പിതാവ് ഉദയ് ശങ്കറിനു കീഴില് നൃത്തം പഠിപ്പിക്കാനയച്ചത്. അതാണ് ജീവിതത്തില് വഴിത്തിരിവായത്. അമല - ഉദയ് ദമ്പതികളുടെ നൃത്തം പിന്നീടു രാജ്യാന്തര പ്രശസ്തി നേടി.
അമല ബ്രഷ് ഉപയോഗിക്കാതെ വിരലുകള്കൊണ്ടു ചെയ്ത പെയിന്റിങ്ങുകളും ഏറെ ശ്രദ്ധേയമായി. മകന് ആനന്ദ് ശങ്കര് സംവിധാനം ചെയ്ത 'മിസിങ് യു' ആണ് അമലയുടെ അവസാന സ്റ്റേജ് പരിപാടി.
https://www.facebook.com/Malayalivartha
